भारतातील सर्वाधिक Road Accidents कोणत्या शहरात होतात? टॉप 10 शहरांची यादी, List मध्ये तुमचे शहर आहे का?

Published by:Jaykrishna Nair

Last Updated:November 04, 2025 11:59 PM IST

Road Accidents: सरकारी आकडेवारीनुसार भारतातील मोठ्या शहरांमध्ये रस्ते अपघातांचे प्रमाण झपाट्याने वाढत आहे. दिल्ली, बेंगळुरू आणि जबलपूर ही शहरे सर्वाधिक धोकादायक ठरत असून, बेफिकीर वेग आणि ट्रॅफिक नियमांचे उल्लंघन हे मृत्यूचे मुख्य कारण बनले आहे.

नवी दिल्ली: सरकारी आकडेवारीनुसार भारतातील सर्वाधिक रस्ते अपघात होणाऱ्या शहरांची यादी समोर आली असून, या आकडेवारीत देशाची राजधानी दिल्ली अव्वल स्थानी आहे. दरवर्षी हजारो लोकांच्या जीवाचा घेतला जाणारा हा रस्तेअपघातांचा आकडा चिंताजनक पातळीवर पोहोचला आहे.

दिल्लीमध्ये एका वर्षात तब्बल 5,834 रस्ते अपघात नोंदवले गेले आहेत. तज्ञांच्या मते अत्याधिक वेग, ट्रॅफिक नियमांचे उल्लंघन आणि वाहनचालकांची बेफिकिरी ही अपघातांची मुख्य कारणे आहेत. मोठ्या प्रमाणावर वाढलेल्या वाहनसंख्येमुळे आणि शहरातील गर्दीमुळे रस्त्यांवरील नियंत्रण आव्हानात्मक ठरत आहे.

यादीत दुसऱ्या क्रमांकावर बेंगळुरू (Bengaluru) आहे. जे IT सिटी म्हणून ओळखले जाते. येथे 4,974 अपघात झाले असून, गर्दी, अरुंद रस्ते आणि कमकुवत ट्रॅफिक व्यवस्थापन ही त्यामागची प्रमुख कारणे आहेत. सतत वाढणारी वाहनसंख्या आणि वाहतुकीचा ताण यामुळे हा शहराचा प्रमुख डोकेदुखीचा विषय बनला आहे.

तिसऱ्या स्थानी जबलपूर (Jabalpur) आहे. जिथे 4,205 अपघात नोंदले गेले आहेत. छोट्या शहरांमध्येही वाहनसंख्या झपाट्याने वाढत असल्याचे हे उदाहरण मानले जात आहे. रस्त्यांची अपुरी रुंदी आणि वाहतूक शिस्तीचा अभाव यामुळे अपघातांची संख्या वाढत आहे.

चेन्नई (Chennai) हे चौथ्या क्रमांकावर असून येथे 3,653 अपघात झाले आहेत. पावसाळ्यातील घसरणारे रस्ते, दाट ट्रॅफिक आणि नियमांचे पालन न करणे ही अपघातांची मुख्य कारणे असल्याचे दिसते.

पाचव्या स्थानी इंदूर (Indore) आहे. जिथे 3,566 रस्ते अपघात नोंदवले गेले. येथे ओव्हरस्पीडिंग, सिग्नल तोडणे आणि वाहतुकीबाबतची निष्काळजीपणा हे सर्वाधिक दिसणारे घटक आहेत.

केरळच्या मल्लापुरम (Malappuram) जिल्ह्यात देखील स्थिती गंभीर आहे. येथे 3,253 अपघात झाले असून रस्ते आणि अतिवेगाने चालणारी वाहने या अपघातांचे प्रमुख कारण ठरले आहेत. राज्यात पर्यटन आणि पावसाळ्याच्या काळात अपघातांचे प्रमाण आणखी वाढते.

हैदराबाद (Hyderabad) मध्ये 2,943 अपघात झाले आहेत. शहरातील वाढती गर्दी, ओव्हरटेकिंगची सवय आणि लेन शिस्तीचा अभाव ही त्यामागची कारणे आहेत. मोठ्या प्रमाणावर दोनचाकी वाहनांमुळे रस्त्यांवर अपघातांचे प्रमाण जास्त दिसून येते.

जयपूर (Jaipur) ज्याला पिंक सिटी म्हटलं जातं, तेही या यादीत आहे. येथे 2,915 अपघात झाले असून, पर्यटकांची वाहतूक, निष्काळजी ड्रायव्हिंग आणि सिग्नल तोडण्याच्या सवयींमुळे अपघात वाढले आहेत.

भोपाल (Bhopal) मध्ये 2,906 रस्ते अपघात झाले आहेत. विशेषतः तरुणांमधील बाईक रेसिंग, वेगावर नियंत्रण नसणे आणि ट्रॅफिक शिस्तीचा अभाव हे प्रमुख घटक मानले जातात.

कोच्ची (Kochi) मध्येही अपघातांचे प्रमाण चिंताजनक आहे. येथे 2,803 अपघात नोंदवले गेले आहेत. अरुंदगल्लीसदृश रस्ते, पावसाळ्यातील घसरडी परिस्थिती आणि अतिवेग ही प्रमुख कारणे मानली जात आहेत.

या आकडेवारीतून स्पष्ट होते की भारतातील प्रमुख शहरांमध्ये रस्ते सुरक्षा ही गंभीर समस्या बनली आहे. अतिवेग, ट्रॅफिक नियमांचे उल्लंघन, अपुरी रस्ते संरचना आणि दुर्लक्षिलेला वाहनचालक शिस्त या सर्व गोष्टींनी मिळून देशात अपघातांचं प्रमाण भयावह पातळीवर पोहोचवलं आहे. सुरक्षित ड्रायव्हिंग, ट्रॅफिक जागरूकता आणि कठोर कायद्यांची अंमलबजावणी न झाल्यास या संख्येत आणखी वाढ होण्याची शक्यता तज्ञ व्यक्त करत आहेत.

view comments