Ratnagiri: गणेश विसर्जनाला वाहतूक मार्गात मोठे बदल, रत्नागिरीतील हे मार्ग बंद, पाहा पर्यायी रस्ते

रत्नागिरीत मंगळवारी 2 सप्टेंबर रोजी गौरी गणपती, 4 सप्टेंबर रोजी 9 दिवसांचे गणपतीचे विसर्जन होणार आहे. तसेच 6 सप्टेंबर रोजी अनंत चतुर्दशी आणि 7 सप्टेंबर रोजी अनंत चतुर्दशीच्या दुसऱ्या दिवशी देखील सार्वजनिक व खासगी गणेशमूर्तीचे मोठ्या संख्येने विसर्जन होणार आहे. त्यामुळे या दिवशी रामनाका- राधाकृष्ण नाका – गोखले नाका- विठ्ठल मंदिर- काँग्रेस भवन या मार्गावर वाहतूक बंद ठेवण्यात येणार आहे.

advertisement

Ganesh Visarjan 2025 : पुढच्या वर्षी लवकर या...! गणेश विसर्जनासाठी पिंपरीतील घाटांवर वैद्यकीय पथक तैनात

पर्यायी मार्ग कोणते?

रत्नागिरीतील रामनाका-तेलीअळी नाका- आठवडा बाजार चौक-भुते नाका- मत्स्यालय-मांडवी समुद्र किनारा या पर्यायी मार्गावर वाहतूक सुरू राहील. याबाबत पोलीस अधीक्षक नितीन बगाटे यांनी वाहतूक नियंत्रण अधिसूचना प्रसिद्ध केली असून नागरिकांनी सूचनांचे पालन करावे, असे आवाहन केले आहे.