TRENDING:
रेशमी केस एकूण सौंदर्यात भर घालतात. काहींचे केस नैसर्गिकरित्या मऊ आणि गुळगुळीत असतात, तर काहींना केस तसे दिसण्यासाठी महागड्या सौंदर्यप्रसाधनांचा वापर करावा लागतो. पण याचे परिणाम जास्त काळ टिकत नाहीत. यासाठी काही घरगुती उपायांची मदत होते.
प्रसिद्ध आयुर्वेदिक डॉक्टर शोभना यांनी तिच्या इंस्टाग्राम हँडलवर एक व्हिडिओ शेअर केला. या घरगुती आयुर्वेदिक उपायामुळे, केस मजबूत, गुळगुळीत आणि रेशमी होऊ शकतील. यामुळे केसांची वाढ चांगली होते आणि केस गळण्याचं प्रमाण कमी होतं.
advertisement
Lip Balm : हिवाळ्यासाठी घरी बनवा लिप बाम, कोरडे ओठ होतील मुलायम
आयुर्वेदिक हेअर मास्क बनवण्यासाठी आवश्यक साहित्य:
जवस, मक्याचं पीठ, नारळाचं तेल, ऑलिव्ह ऑइल - हा हेअर मास्क बनवणं खूप सोपं आहे. हे करण्यासाठी, एका भांड्यात एक ग्लास पाणी घाला त्यात तीन चमचे जवस घाला, हे मिश्रण गुळगुळीत होईपर्यंत उकळवा आणि नंतर गाळून घ्या. यानंतर, एक ग्लास पाण्यात दोन चमचे कॉर्न फ्लोअर घालून गुळगुळीत पेस्ट होईपर्यंत उकळवा.
आता त्यात आधी तयार केलेलं जवसाच्या बियांचं जेल, दोन चमचे नारळाचं तेल आणि एक चमचा ऑलिव्ह ऑइल घाला. हे मिश्रण नीट मिसळा आणि हेअर मास्क तयार आहे.
Silence : थोडा वेळ शांत राहण्याचे फायदे, शरीर - मनासाठी शांतता का महत्त्वाची ?
हा हेअर मास्क नैसर्गिक कंडिशनर म्हणून काम करतो. केसांना व्यवस्थित लावा आणि चाळीस मिनिटांनी धुवा. आठवड्यातून एकदा हे वापरल्यानं केस गळणं कमी होईल. यामुळे केसांची वाढ चांगली होते. हा हेअर मास्क वापरल्यानं पहिल्याच वापरात चांगला बदल दिसू शकेल. कुठल्याही प्रकारची अॅलर्जी असेल तर आधी पॅच टेस्ट करा.