दिवसभराची धावपळ, कामाचा ताण, खाण्याच्या सवयी आणि मोबाईलचा वाढता वापर यामुळे आपली जीवनशैलीत मोठे बदल झालेत. लहान वयातच आजार होण्याचं प्रमाण वाढलंय. त्यामुळे शरीर आणि मन निरोगी ठेवण्यासाठी योग हा सर्वात सोपा आणि प्रभावी मार्ग मानला जातो.
प्रत्येकाला कोणत्या ना कोणत्या तणावाचा सामना करावा लागतो. विद्यार्थ्यांना कधी अभ्यासाचं ओझं, कधी नोकरीची चिंता आणि वृद्धांना त्यांच्या शारीरिक - मानसिक समस्यांशी झुंजावं लागतं.
advertisement
Probiotics : पचनव्यवस्थेसाठी प्रोबायोटिक्स का महत्त्वाचं ? दही किंवा ताकाचं सेवन कधी करावं ?
योगामुळे शरीराबरोबरच मन आणि आत्म्याचंही संतुलन साधलं जातं. मकरासन हे अनेक योग आसनांपैकी एक. मकरासनामुळे शारीरिक थकव्यासोबतच मानसिक ताणतणावापासून देखील आराम मिळतो.
भारत सरकारच्या आयुष मंत्रालयानं इन्स्टाग्रामवर मकरासनाबद्दल एक पोस्ट शेअर केली आहे. या पोस्टमधे, मकरासनाचे फायदे, ते कसं करावं आणि काय खबरदारीचा घ्यावा याची माहिती देण्यात आली आहे.
Salt : सैंधव मीठाचे फायदे वाचा, पचन, तणाव व्यवस्थापनासाठी उपयुक्त
मकरासन हा संस्कृत शब्द. ज्यात 'मकर' म्हणजे मगर आणि 'आसन' म्हणजे बसणं. हे आसन करताना शरीर मगरीसारखं शांत, स्थिर आणि आरामशीर असतं.
आयुष मंत्रालयाच्या मते, या आसनामुळे शरीराला खोलवर आराम मिळतो आणि विशेषतः पाठीच्या समस्या दूर करण्यासाठी हे आसन फायदेशीर आहे. यामुळे थकवा दूर होतो, ताण कमी करण्यास मदत होते आणि शरीरात नवीन ऊर्जा भरते.