TRENDING:
महागडी कॉस्मेटिक उत्पादनं देखील कधीकधी त्वचेला फायदा होण्याऐवजी नुकसान पोहोचवू शकतात. पण कच्चं दूध हे शरीरासाठी पौष्टिक पेय तर आहेच तसंच ते त्वचेला स्वच्छ, मॉइश्चरायझ आणि नैसर्गिक चमक देण्यासाठीही उपयुक्त आहे. कच्च्या दुधाचा नियमित आणि योग्य वापर केला तर त्वचा मऊ आणि तरुण दिसेल.
दुधानं त्वचा कशी स्वच्छ करावी समजून घेऊया - दुधातील लॅक्टिक एसिड आणि प्रथिनं त्वचेवरची धूळ आणि मृत त्वचेच्या पेशी काढून टाकण्यासाठी मदत करतात. दिवसभर चेहऱ्यावर धूळ आणि प्रदूषणाचे परिणाम असतील, तर फक्त दुधानं हलक्या हातानं मालिश केल्यानं ही अशुद्धता दूर होण्यास मदत होते.
advertisement
Anaemia : थकवा का जाणवतो ? सतत थकवा येणं आजाराला निमंत्रण ? असं का होतं ?
आयुर्वेदात दुधाला त्वचेसाठीचं हायड्रेटर मानलंय. दररोज फक्त एक चमचा दूध घेऊन चेहऱ्यावर हलक्या हातानं मालिश केल्यानं त्वचा आतून फ्रेश होते.
नैसर्गिक मॉइश्चरायझर - याव्यतिरिक्त, दूध नैसर्गिक मॉइश्चरायझर म्हणून काम करतं. अनेकांची त्वचा कोरडी आणि निस्तेज असते. दुधानं हलक्या हातानं मसाज केल्यानं त्वचेची आर्द्रता टिकून राहते आणि डाग हळूहळू कमी होतात. विज्ञानानुसार, दुधातील व्हिटॅमिन बी आणि खनिजांमुळे त्वचेच्या पेशींना पोषण मिळतं आणि त्यांचं आरोग्य राखायला मदत होते. यामुळे त्वचेला नैसर्गिक चमक मिळते.
Suryanamaskar : जिमला न जाताही राहा फिट, घरी करा सोपे, उपयुक्त व्यायाम
पुरळ - चेहऱ्यावर मुरुमं किंवा पुरळ असतील तर दररोज दुधानं हलकं मालिश केल्यानं काही दिवसांतच परिणाम दिसून येतील. आयुर्वेदात, त्वचेच्या समस्या मुळापासून दूर करण्यासाठी दूध उपयुक्त मानलं जातं. दूध एक शुद्धीकरण करणारा आणि वात-कफ संतुलित करणारा उपाय आहे, दुधात अँटीबॅक्टेरियल गुणधर्म देखील असतात. त्वचेचं संक्रमण रोखण्यासाठी आणि छिद्र स्वच्छ ठेवण्यासाठी दूध उपयुक्त ठरतं.
कोरडी त्वचा - त्वचेचा कोरडेपणा दूर करण्यासाठी पंधरा मिनिटं चेहऱ्याचा दुधानं मसाज करा. त्वचेला शांत करण्यासाठी आणि पोषणासाठी दूध उपयुक्त आहे. दुधामुळे त्वचा मऊ आणि कोमल राहते.