TRENDING:
ठाण्याच्या कळवा परिसरात स्थित असलेल्या कला शिक्षिका स्वाती गद्रे या रांगोळी कलाकार आहेत. गेल्या अनेक वर्षांपासून त्या विविध प्रकारच्या रांगोळी काढतात. स्वाती या चित्रकला आणि रांगोळीच्या शिक्षिका असून लहान मुलांना त्या चित्रकला करणे रांगोळी काढणे शिकवतात. रांगोळीची अत्यंत आवड असल्यामुळे अनेक रांगोळी स्पर्धेत भाग घेऊन त्या विजेता देखील झाल्या आहेत. पोट्रेट रांगोळी, पाण्याखालची रांगोळी, संस्कार भारती रांगोळी त्या सर्रास 2 ते 5 मिनिटांत तयार करतात, अशी माहिती कला शिक्षिका स्वाती गद्रे यांनी दिली आहे.
advertisement
फक्त चाळणीचा वापर करून काढा आकर्षक रांगोळी, पाहा दिवाळी स्पेशल टिप्स
अशी काढा संस्कार भारती रांगोळी?
संस्कार भरती रांगोळी काढण्याची पद्धत अतिशय सोपी आहे. रांगोळी काढण्यापूर्वी तीन वेगवेगळ्या आकाराचे मोठे गोल आकार चॉकच्या सहाय्याने रेखाटून घ्यावे. सर्वप्रथम एक लहान गोल, त्यावर थोडी मोठी गोल रिंग. या दोन गोलाकारावर शेवटी मोठी एक गोलाकार रिंग काढून घ्यावी. आपल्या आवडीचा रंग निवडून प्रथम लहान गोल आकारात एक रंग भरून घ्यावा. दुसऱ्या रिंगेत वेगळा रंग भरावा. रांगोळीचा रंगांवर रेखाटलेली नक्षी अधिक शोभून दिसावी यासाठी पांढऱ्या रंगाची रांगोळी वापरावी. एक लहान नक्षी पूर्ण गोलात सलग काढावी. रांगोळीच्या मध्यास स्वस्तिक, गाईची पावले किंवा देवीचे पावले असे काढावेत. अशा प्रकारे अवघ्या 5 मिनिटांत संस्कार भारती रांगोळी तयार होते, अशी माहिती स्वाती गद्रे यांनी दिली.