व्हिटॅमिनसाठी आहारात कोणकोणत्या गोष्टी असायला पाहिजेत?
आपण दररोज आहार घेतो त्यात व्हिटॅमिन असणे अत्यंत आवश्यक असते. कारण आपल्या खानपानावरच आपले आरोग्य अवलंबून असते. तर मग व्हिटॅमिनसाठी आहारात कोणकोणत्या गोष्टी असायला पाहिजेत? तर सकाळी उठल्यानंतर टोमॅटो ज्यूस, बीट रूट, लिंबू पाणी याचा समावेश तुम्ही करू शकता. यामुळे चेहरा सतेज होतो आणि चेहऱ्यावरील काळे डाग सुद्धा हळूहळू जायला लागतात, असं डॉ. अनुराधा टाकरखेडे सांगतात.
advertisement
जेवणामध्ये कशाचा समावेश असावा?
त्यानंतर जेवणामध्ये मोड आलेले कडधान्य, गाजर, मुळा, बीट याचा समावेश करायला पाहिजे. यामुळे सुद्धा आपण आपल्या शरीरातील व्हिटॅमिनची कमतरता पूर्ण करू शकतो. त्याचबरोबर व्हिटॅमिन सी युक्त पदार्थ सुद्धा आहारात घेणे तितकेच महत्त्वाचे आहे. तर यामध्ये येतात सिजनेबल फळ. संत्रा, मोसंबी, केळी, टरबूज, खरबूज यासारखे फळ तुम्ही घेऊ शकता. एकदम महागडी फळ घेण्याची गरज नाही. आहारात फळांचा समावेश असल्यास सुद्धा चेहरा सतेज होण्यास मदत होते.
डोळ्याखालील काळे वर्तुळ घालवण्यासाठी काय करावं?
त्यानंतर अनेकांना डोळ्याखाली काळे वर्तुळ येतात. तर ते व्हिटॅमिन बी 12 च्या आणि आयरनच्या कमतरतेमुळे होतात. त्यासाठी आहारात खजूर, शेवग्याच्या शेंगा, पालक अशा गोष्टींचा समावेश करायला पाहिजे. त्याचबरोबर मोबाईल, टीव्ही, लॅपटॉप यासर्व गोष्टी बघणे कमी करायला पाहिजे. त्यामुळे डोळ्याखालील काळे वर्तुळ कमी होण्यास नक्कीच मदत होईल, असेही डॉ. अनुराधा टाकरखेडे यांनी सांगितले.