एका भांड्यात एक वाटी बेसन पीठ, चवीपुरतं मीठ, अर्धा चमचा लाल तिखट, पाव चमचा हळद, पाव चमचा ओवा टाकून नीट मिक्स करून घ्या. सर्व साहित्य एकत्र झालं की थोडंथोडं पाणी टाकून पातळ मिश्रण तयार करून घ्या. खूप जास्त घट्ट किंवा खूप जास्त पातळही नसावं.
Amla Recipe : आवळ्याचं लोणचं, चटणी, मुरांबा तर बनवताच; आता बनवून पाहा नेल्लीकाई सद्दाम
advertisement
आत पापड घ्या आणि ते पाण्यात भिजवून घ्या. जास्त वेळ पाण्यात ठेवायचं नाही. हा पापड पोळपाट किंवा ताटात घ्या आणि वर तयार केलेलं बेसनचं मिश्रण त्यावर लावून घ्या. आता पापडाचा रोल करून घ्यायचा आहे. 4 पापड असतील तर तिघांचे रोल करून घ्यायचे आणि एक पापड तसाच ठेवायचा आहे. एका तव्यात थोडं तेल घेऊन त्यात तयार केलेले पापडाचे रोल खरपूस शॅलो फ्राय करून घ्या. दोन्ही बाजूंनी नीट भाजून घ्या. आता हे रोल बाजूला काढून घ्या आणि ठेवलेला एक पापड याच तेलात तळून घ्या. तो बाजूला ठेवा.
आता याच तेलात कांदा टाकून सोनेरी रंग होईपर्यंत परतून घ्या. तो तव्यावरच एका बाजूला ठेवा. सुकं खोबरं भाजून घ्या. आता कांदा आणि खोबरं मिक्स करून घ्या. यात अर्धा इंच आलं आणि सात ते आठ लसूण पाकळ्या घालून सगळं मिनिटभर भाजून घ्या. हे मिश्रण थंड झालं की मिक्सरच्या भांड्यात काढून त्यात कोथिंबीर आणि पाणी टाकून बारीक वाटून घ्या.
आता एक कढई घ्या, गॅसवर ठेवा. त्यात एक ते दीड चमचा तेल, अर्धा चमचा जिरे, पाव चमचा हिंग, एक चमचा बेसन पीठ घालून नीट भाजून घ्या. आता यात तयार केलेलं वाटण घाला, ते नीट मिक्स करून घ्या. यात एक चमचा काळा मसाला, पाव चमचा हळद, अर्धा चमचा धने पूड, अर्धा चमचा कश्मिरी लाल मिरची, पाव चमचा गरम मसाला घालून सगळे मसाले तेल सुटेपर्यंत परतून घ्या. आता ग्रेव्ही तुम्हाला किती घट्ट किती पातळ हवी त्यानुसार पाणी घालून घ्या. ग्रेव्हीला एक उकळी येऊ द्या.
Coriander : फ्रिजमध्ये ठेवल्यावरही खराब होते कोथिंबीर? वापरा ही ट्रीक, दीर्घकाळ ताजी राहिल
तोपर्यंत तयार केलेल्य पापड रोलचे तुकडे करून घ्या. ग्रेव्हीला उकळी आली की त्या हे पापड टाका, तळलेला एक पापड कुस्करून यात टाका. नीट ढवलून झाकण ठेवून 5-6 मिनिटं नीट शिजवून घ्या. ही चमचमीत अशी पापडाची भाजी तयार झाली.
Vandana kitchen Marathi या युट्युब चॅनेलवर हा रेसिपी व्हिडीओ पोस्ट करण्यात आला आहे. तुम्ही ही रेसिपी करून पाहा आणि कशी झाली आम्हाला आमच्या सोशल मीडियाच्या कमेंट बॉक्समध्ये नक्की सांगा.