पावसामुळे रस्ते आणि घराची फरशी निसरडी होते, ज्यामुळे पडण्याचा धोका देखील वाढतो. एखाद्या व्यक्तीची हाडं आधीच कमकुवत असतील तर पडल्यानं हाड फ्रॅक्चर होण्याचा धोका असतो. याशिवाय पावसाळ्यात हवामानात बदल होतो. कधीकधी थंडी अचानक वाढते, तर कधीकधी दमटपणा येतो. या बदलामुळे वातावरणाचा दाब कमी होतो, ज्याचा परिणाम सांध्यांवर होतो.
advertisement
वातावरणात ओलावा असतो तेव्हा हवा थंड होते, ज्यामुळे स्नायू कडक होतात आणि सांधे कडक होतात.
अशा परिस्थितीत, ऑस्टियोपोरोसिसच्या रुग्णांना वेदना होणं आणि सूज येण्याची समस्या वाढू शकते. ऑस्टियोपोरोसिसच्या रुग्णांनी पावसाळ्यात विशेष काळजी घेणं आवश्यक आहे. सांधे उबदार ठेवणं हा सर्वात महत्वाचा उपाय आहे. वातावरण थंड असतं तेव्हा शरीराला ओलं होण्यापासून वाचवणं महत्त्वाचं आहे.
Headache : डोकेदुखी कशामुळे होते ? कारण, उपचार पद्धतीविषयी सविस्तर माहिती
एनआयएच म्हणजेच National Institute of Health च्या मते, गरम पाण्याचा शेक घेतल्यानं सांध्यातील कडकपणा आणि सूज कमी होऊ शकते. विशेषतः सकाळी जेव्हा वेदना जास्त असतात तेव्हा कॉम्प्रेस म्हणजेच गरम पाण्याची पिशवीचा शेक घेणं फायदेशीर ठरू शकतं.
याशिवाय, घराच्या आत, बाथरूममधे आणि घराच्या इतर भागात अँटी-स्लिप मॅट्स बसवावेत. ओल्या जमिनीवर चालण्यासाठी, घसरण्यापासून रोखणारे बूट किंवा चप्पल घाला. गरज पडली तर, पडण्याचा धोका कमी करण्यासाठी वॉकिंग स्टिक किंवा वॉकरचा वापर करा.