रताळ्याचे धपाटे बनवण्यासाठी साहित्य
या रेसिपीसाठी लागणारं साहित्य अगदी घराघरात मिळणारं आहे. यामध्ये उकडलेली रताळी, गव्हाचं मळलेलं पीठ, बारीक चिरलेला कांदा आणि टोमॅटो, हिरव्या मिरच्या (इच्छेनुसार), चवीनुसार मीठ आणि तिखट, थोडीशी कोथिंबीर, तसेच ओरेगॅनो आणि चिली फ्लेक्स चवीसाठी वापरले जातात. भाजण्यासाठी तुम्ही तेल किंवा बटरपैकी कोणतंही वापरू शकता.
Shev Bhaji Recipe: ढाब्यासारखी झणझणीत शेवभाजी आता घरच्या घरी बनवा, जाणून घ्या सरळ सोपी रेसिपी...
advertisement
रताळे धपाट्यांची कृती
कृतीदेखील तितकीच सोपी आहे. सर्वप्रथम उकडलेली रताळी बारीक मॅश करून घ्या. त्यानंतर त्यामध्ये तिखट, मीठ, कांदा, टोमॅटो, कोथिंबीर, ओरेगॅनो आणि चिली फ्लेक्स टाकून सर्व साहित्य छान मिक्स करा. गव्हाचं पीठ आधीच मळून ठेवा. आता त्या पिठाचे छोटे छोटे गोळे तयार करा आणि प्रत्येक गोळ्याला थोडं दाबून त्यात रताळ्याचं मिश्रण भरा. हे गोळे हलक्या हाताने थापून धपाटे तयार करा.
तवा मंद आचेवर गरम करून त्यावर धपाटे भाजा. हवे असल्यास थोडं तेल किंवा बटर लावू शकता. दोन्ही बाजूंनी खरपूस भाजल्यावर हे रताळ्याचे धपाटे तयार होतात. गरमागरम धपाटे सॉस किंवा हिरव्या चटणीसोबत सर्व्ह केल्यास सकाळच्या नाश्त्यासाठी किंवा मुलांच्या डब्यासाठी हा एक पौष्टिक आणि स्वादिष्ट पर्याय ठरतो.