TRENDING:
मेकअप आवडत असला तरी अनेकांना त्यामुळे एक भीती देखील असते. मेकअप लावल्यानं त्वचेवर खूप वाईट परिणाम होतो आणि विशेषतः दररोज मेकअप लावल्यानं त्वचेवर वृद्धत्वाची लक्षणं लवकर दिसतील अशी शंका असते.
त्वचारोगतज्ज्ञ आश्का शाह यांनी इंस्टाग्राम हँडलवर मेकअप संदर्भात एक व्हिडिओ शेअर केला आहे. व्हिडिओत त्यांनी, मेकअपबद्दलच्या गैरसमजांविषयी माहिती दिली आहे. मेकअपमुळे त्वचा वृद्ध दिसत नाही किंवा वृद्धत्वाची लक्षणं वाढत नाहीत. मेकअपचा चुकीचा वापर ही खरी समस्या असल्याचं त्यांनी म्हटलंय. तसंच रोज मेकअप करणाऱ्यांसाठी त्यांनी काही टिप्सही दिल्यात.
advertisement
Eggs Intake : दररोज किती अंडी खाणं योग्य ? रोज अंडी खाण्याचे काय फायदे ?
मेकअप योग्यरित्या काढत नाही, मेकअप लावून झोपता किंवा मेकअप करताना स्किनकेअर रूटीनकडे दुर्लक्ष करता तेव्हा त्याचा त्वचेवर नकारात्मक परिणाम होऊ शकतो. यामुळे छिद्रं बंद होऊ शकतात, मुरुमं वाढू शकतात, चेहरा निस्तेज होऊ शकतो आणि एलर्जी येऊ शकते. यामुळे, त्वचा थकलेली आणि जुनी दिसते.
मेकअपमुळे त्वचेवर वय वाढलेलं दिसतं. योग्य उत्पादनं वापरली आणि त्वचेची चांगली काळजी घेतली तर मेकअपमुळे नुकसान होणार नाही. सध्या, अनेक मेकअप उत्पादनांमधे एसपीएफ, मॉइश्चरायझिंग आणि त्वचेला अनुकूल घटक असतात. म्हणून, मेकअप करणं सुरक्षित आहे. काही गोष्टी लक्षात ठेवणं महत्वाचं आहे.
Detox Drink : चेहऱ्यावरच्या नॅचरल ग्लोसाठी बनवा खास डिटॉक्स ड्रिंक, पाहूया कृती
दररोज मेकअप करणाऱ्यांसाठी महत्त्वाच्या टिप्स
दररोज मेकअप करत असाल तर काही गोष्टींबद्दल विशेषतः काळजी घ्या
झोपण्यापूर्वी मेकअप पूर्णपणे काढून टाका.
त्वचेच्या प्रकारानुसार मेकअप उत्पादनं निवडा.
दिवसा सनस्क्रीन लावायला विसरू नका.
मेकअप केल्यानंतर त्वचेला मॉइश्चरायझर लावा.
या सर्वांव्यतिरिक्त, आठवड्यातून एक-दोन वेळा हलकं एक्सफोलिएशन करा.