TRENDING:
सालाबादाप्रमाणे भाजप नेत्या पंकजा मुंडे यांचा दसरा मेळावा भगवान भक्तिगडावर संपन्न होत आहे. या मेळाव्याला प्रथमच त्यांचे बंधू धनंजय मुंडे यांनी हजेरी लावली आहे. मुंडे कुटुंबातील संघर्ष आणि त्यानंतर राज्यातील बदलत्या समीकरणांनुसार मुंडे बंधू भगिनींची जुळलेली मने या पार्श्वभूमीवर हा दसरा मेळावा पार पडतो आहे. त्यामुळे राज्यातील तमाम जनतेचे पंकजा यांच्या मेळाव्याकडे लक्ष लागलेले आहे.
advertisement
आपल्या हाती फक्त आपट्याची पानं, बाकीचे सोनं लुटून चाललेत : राज ठाकरे
पंकजा यांच्या मेळाव्यापासून काही किलोमीटर अंतरावर मनोज जरांगे पाटील यांचाही दसरा मेळावा पार पडतो आहे. त्यामुळे धनंजय मुंडे जरांगेंच्या मेळाव्यावर काय बोलणार, याकडे सगळ्यांचे लक्ष लागले होते. अपेक्षेप्रमाणे जरांगे यांच्या मेळाव्याच्या विषय धनंजय मुंडे यांनी छेडला पण त्यांनी नाव घेणे टाळले. ते म्हणाले, मला काही जणांनी मेळाव्यासंबंधी प्रश्न विचारले. मी म्हटले आनंद आहे. लोकशाहीत कुणीही मेळावा घेऊ शकतो. दसरा हा हिंदू धर्मातला सगळ्यात मोठा सण आहे. दसरा ज्याला माहिती आहे, त्याला प्रभू रामचंद्र माहिती असायला हवेत पुढचं मी काही बोलणार नाही, तुम्ही समजून घ्या... असे म्हणत त्यांनी जरांगे यांना टोला लगावला.
मी भलेही गेली १२ वर्षे येथील दसरा मेळाव्याला आलो नसेन पण १२ वर्षात वेगळा दसरा मेळावा करायचा, असे माझ्या मनात सुद्धा आले नाही. कारण जो वारसा ज्याला दिलाय, त्याने तो पुढे न्यायचा असतो. एखादा नवीन दसरा मेळावा सुरू करून मेळाव्याची पवित्रता भंग करू शकत नाही, असे धनंजय मुंडे म्हणाले.
पुढे बोलताना धनंजय मुंडे म्हणाले, 'हा मेळावा संपन्न होत असताना मला, व्यासपीठावर बसलेल्या सगळ्यांना आनंद होतोय. त्यापेक्षा जास्त आनंद समोर बसलेल्या जनतेला होतोय. सगळ्या जाती धर्माला सोबत घेऊन पंकजा ताईंच्या संघर्षाच्या सोबत राहू. १२ वर्षांचा प्रारब्ध मी भोगला, आता प्रारब्ध संपला. शेवटी एवढंच सांगतो, तुम लाख कोशिश करो- हमे हराने की... हम जब जब बिखरेंगे-दुगुनी रफ्तार से निखरेंगे...!'