महापालिकेच्या पथकाला पोतदार शाळेजवळ आणि भाजी मंडई चौकात 7 ते 8 नागरिक उघड्यावर कचरा टाकताना दिसले. पथकातील अधिकाऱ्यांनी त्यांच्याकडून प्रत्येकी 500 रुपयांचा दंड मागितला. तेव्हा काही नागरिकांनी माफी मागून आपला कचरा परत उचलून नेला.
आरोग्य विभाग सतर्क
गेल्या काही दिवसांपासून शहर आणि उपनगरांमध्ये कचऱ्याची समस्या गंभीर झाली होती. यावर सतत होत असलेल्या टीकेनंतर महापालिकेच्या आरोग्य विभागाने कचरा टाकणाऱ्यांवर कठोर कारवाईचे धोरण स्वीकारले आहे. यामुळे उघड्यावर कचरा टाकण्याचे प्रमाण कमी झाले आहे.
advertisement
ज्या-ज्या ठिकाणी सतत कचरा टाकला जातो, अशा ठिकाणी आता महापालिकेचे कर्मचारी सतत नजर ठेवून आहेत. यामुळे कचरा टाकणाऱ्यांवर जरब बसली असून, नागरिकांनी आता अधिक काळजीपूर्वक कचरा व्यवस्थापन करण्यास सुरुवात केली आहे.
हे ही वाचा : Pune Traffic : पुणेकरांसाठी मोठी बातमी! स्वारगेट भुयारी मार्ग काही दिवसांसाठी बंद; जाणून घ्या पर्यायी रस्ते
हे ही वाचा : कोल्हापूरकर लक्ष द्या! नवरात्र-दिवाळीत अंबाबाई मंदिर परिसरातील रस्ते खुले राहणार, पण...