कोल्हापूरकर लक्ष द्या! नवरात्र-दिवाळीत अंबाबाई मंदिर परिसरातील रस्ते खुले राहणार, पण...

उत्सवाच्या काळात येणाऱ्या समस्यांवर चर्चा करण्यासाठी अंबाबाई मंदिर परिसरातील व्यापाऱ्यांनी सराफ असोसिएशनच्या सभागृहात एक बैठक आयोजित केली होती. या बैठकीला महापालिका आणि पोलीस अधिकारी उपस्थित होते. या बैठकीत घेण्यात आलेल्या निर्णयानुसार, अनधिकृत रिक्षा थांबे हटवले जातील, रस्त्यांवरील पॅचवर्क सुरू आहे. अंबाबाईची पालखी मिरवणूक ज्या दिवशी असेल, तो दिवस वगळून इतर सर्व दिवस महाद्वार रोड, जोतिबा रोड, राजोपाध्ये रोड, गुजरी आणि भाऊसिंगजी रोड वाहतुकीसाठी खुले असतील.

या काळात भाविकांच्या सोयीसाठी अनेक उपाययोजना करण्यात आल्या आहेत. पागा बिल्डिंग, मेन राजाराम आणि कपिलतीर्थ मार्केट येथे स्वच्छतागृहांची सोय करण्यात आली आहे. महिलांसाठी गांधी मैदान, बिंदू चौक, निर्माण चौक आणि भवानी मंडप येथे विशेष स्वच्छतागृहे असतील.