TRENDING:
७ मिनिटांत सुनावणी पूर्ण, पण सस्पेन्स कायम!
आज न्यायालयात कोणताही मोठा युक्तिवाद झाला नाही. यापूर्वी तीन वेळा पोलीस कोठडी सुनावण्यात आल्यानंतर, आज सरकारी पक्षाने अधिकची कोठडी मागितली नाही. परिणामी, न्यायालयाने खरातची रवानगी न्यायालयीन कोठडीत केली. यामुळे तांत्रिकदृष्ट्या खरातच्या जामिनाचा मार्ग मोकळा झाल्याची चर्चा रंगली असली, तरी एसआयटीने (SIT) खरातची नाकेबंदी करण्याची पूर्ण तयारी केली आहे.
advertisement
पोलीस कोठडीसाठी एसआयटीनं 'फिल्डिंग' लावली
आज जरी खरातला न्यायालयीन कोठडी मिळाली असली, तरी उद्या म्हणजेच गुरुवारी (२ एप्रिल) त्याला एका दुसऱ्या गंभीर गुन्ह्यात पुन्हा न्यायालयात हजर केले जाणार आहे. सरकारवाडा पोलीस ठाण्यात दाखल असलेल्या ७६/२०२६ या क्रमांकाच्या गुन्ह्यांत पुन्हा एसआयटी त्याला कोर्टात खेचणार आहे. या दुसऱ्या गुन्ह्यात खरातला पुन्हा पोलीस कोठडीत खेचण्यासाठी एसआयटीने जोरदार 'फिल्डिंग' लावली आहे. त्यामुळे उद्याच्या सुनावणीत खरातला काय शिक्षा मिळणार आणि पीडित महिलांना न्याय मिळणार का, याकडे सर्वांचे लक्ष लागले आहेत.
मोबाईल डेटामध्ये राजकीय 'कनेक्शन'चा स्फोट?
तपासादरम्यान अशोक खरातच्या मोबाईलमधील 'डेटा रिकव्हर' करण्यात पोलिसांना यश आले आहे. धक्कादायक बाब म्हणजे, खरातने अनेक बड्या राजकीय व्यक्तींचे मोबाईल नंबर दुसऱ्याच नावांनी सेव्ह केल्याचा संशय पोलिसांना आहे. खरात तपासात सहकार्य करत नसला, तरी डिजिटल पुराव्यांनी त्याची चांगलीच गोची केली आहे. खरातच्या मुलाला पोलिसांनी मंगळवारी अटक केली आहे. तर, त्याची पत्नी ही पसार झाली आहे. पोलिसांकडून तिचा शोध सुरू आहे.