TRENDING:
28 फेब्रुवारी रोजी संबंधित महिला, तिची आई, भाऊ आणि लहान मुलगी घरात झोपलेले होते. अचानक अज्ञात व्यक्तीने घराच्या दिशेने लहान दगड फेकण्यास सुरुवात केली. त्यातील एक दगड कपाटाला लागून महिलेच्या आणि तिच्या मुलीच्या अंगावर आदळला. या घटनेत दोघींना किरकोळ मार लागला. आवाजाने घरातील सर्वजण जागे झाले; मात्र बाहेर पाहणी केली असता कोणीही आढळून आले नाही.
advertisement
दरम्यान, खिडकीत चार्जिंगला ठेवलेला मोबाईल अज्ञात व्यक्तीने खिडकीतून हात घालून चोरून नेल्याचे निदर्शनास आले. या प्रकरणात विजय भाऊसाहेब बिरारे (रा. त्रिमूर्ती चौक, जवाहरनगर) याच्यावर संशय व्यक्त करण्यात आला आहे. दगडफेक आणि मोबाईल चोरीमागे त्याचाच हात असल्याचा संशय फिर्यादी महिलेने व्यक्त केला आहे.
तक्रारीनुसार, दोन दिवसांपूर्वी संशयिताने महिलेच्या भावाला जीवे मारण्याची धमकी दिली होती. तसेच संबंधित महिलेला जबरदस्तीने लग्नासाठी दबाव टाकत असून, तिच्या आईलाही फोन करून “मुलीचे लग्न माझ्याशी लावा, अन्यथा तिला पळवून नेईन” अशी धमकी दिल्याचा आरोप आहे. या सातत्याने सुरू असलेल्या धमक्यांमुळे महिला, तिची लहान मुलगी, आई आणि भाऊ यांच्या सुरक्षिततेबाबत भीती निर्माण झाली आहे.
या प्रकरणी पुंडलिकनगर पोलिस ठाण्यात विजय बिरारे याच्याविरोधात गुन्हा दाखल करण्यात आला असून पुढील तपास हवालदार कसारे करत आहेत.