TRENDING:
अय्याज शब्बीर शेख आणि झिशान (दोघेही रा. माणिकनगर, नारेगाव) अशी आरोपींची नावे असून, हे दोघे श्री जगदंबा गॅस एजन्सीत चालक म्हणून काम करत होते. 4 फेब्रुवारी रोजी सकाळी दहाच्या सुमारास काही ग्राहकांनी गॅस सिलिंडर मिळाले नसल्याच्या तक्रारी फोनवरून केल्या. त्यानंतर एजन्सीचालक तरुणीने चालक अय्याज शेख याला फोन केला असता त्याचा मोबाईल बंद होता. झिशानचाही फोन लागला नाही. त्यामुळे संशय बळावला आणि तपासात चोरी झाल्याचे उघडकीस आले.
advertisement
अविवाहित असलेल्या या तरुणीने मोठ्या कष्टाने गॅस वितरणाचा व्यवसाय उभा केला होता. मात्र, ज्यांच्यावर तिने गॅस वितरणाची संपूर्ण जबाबदारी सोपवली, त्यांच्याच फसवणुकीमुळे ती पूर्णपणे खचून गेली आहे. चालकांच्या घरी जाऊन चौकशी केली असता ते तेथेही आढळून आले नाहीत. चोरट्यांनी केवळ गॅस सिलिंडरच नाही, तर एजन्सीच्या ट्रक आणि ॲक्टिव्हा वाहनांच्या बॅटऱ्या, वाहनांच्या किल्ल्या, तसेच 4 कोरे डीसी (डिलिव्हरी चलान) बुक्ससुद्धा पळवून नेल्याचे तपासात स्पष्ट झाले आहे. पोलिस पुढील तपास करत आहेत.