TRENDING:
या उपक्रमाचे नेतृत्व डॉ. नवनाथ दहीहंडे आणि त्यांच्या पत्नी देवयानी दहीहंडे हे करत आहेत. ग्रामीण भागातील आत्महत्याग्रस्त कुटुंबांना आरोग्यसेवा परवडत नसल्याची जाणीव लक्षात घेऊन त्यांनी मोफत तपासणी प्रक्रिया सुरू केली आहे. प्राथमिक आरोग्य तपासणी, आवश्यक निदान, तसेच आरोग्याबाबत मार्गदर्शन अशा सेवा या माध्यमातून दिल्या जात आहेत. या प्रयत्नामुळे अनेक कुटुंबांना वेळेवर तपासणी आणि उपचाराची संधी उपलब्ध झाली आहे.
advertisement
Video: 15 देश अन् 450 दुर्मिळ वस्तू! या म्युझियममध्ये उलगडणार प्राचीन भारताचा जागतिक इतिहास!
कायमस्वरूपी मोफत सेवा
शिवजयंती महोत्सवाच्या पार्श्वभूमीवर सुरू झालेला हा उपक्रम केवळ उत्सवापुरता मर्यादित न ठेवता कायमस्वरूपी चालवण्याचा निर्धार दहीहंडे दांपत्याने व्यक्त केला आहे. शिवजयंती महोत्सव या सामाजिक-सांस्कृतिक प्रसंगाला सेवा आणि संवेदनशीलतेची जोड देत त्यांनी समाजासमोर एक सकारात्मक आदर्श ठेवला आहे. आरोग्य तपासणीसोबतच मानसिक आरोग्य आणि तणाव व्यवस्थापनाबाबतही जनजागृती केली जात आहे.
आत्महत्याग्रस्त कुटुंबातील सदस्यांना वेळेवर उपचार
आत्महत्याग्रस्त कुटुंबातील सदस्यांना अनेकदा आरोग्य समस्यांकडे दुर्लक्ष करावे लागते. अशा परिस्थितीत मोफत तपासणी उपक्रमामुळे त्यांना नियमित वैद्यकीय सल्ला मिळण्यास मदत होणार आहे. गावकऱ्यांनी या उपक्रमाचे स्वागत केले असून, स्थानिक स्तरावरही सहकार्य मिळत असून आत्महत्याग्रस्त कुटुंबातील सदस्यांनी या उपक्रमाचा लाभ घ्यावा असे आवाहन देखील दहीहंडे दांपत्याने केले आहे.