शिवसेना ठाकरेंच्या पक्षाचे खासदार संजय राऊत यांना गंभीर आजार झाल्याची माहिती समोर आलीय. यामुळे संजय राऊतांनी पुढील दोन महिने सार्वजनिक जीवनापासून पूर्णपणे दूर राहण्याचा निर्णय घेतलाय. ते आता थेट नवीन वर्षात सार्वजनिक जीवनात पुनरागमन करणार आहे. . खासदार संजय राऊत सध्या आजारी असून त्यांच्यावर उपचार सुरू आहेत. . दरम्यान, मुख्यमंत्री देवेंद्र फडणवीस यांनी त्यांच्या प्रकृतीची विचारपूस करण्यासाठी त्यांच्याशी फोनवरून बोलून त्यांना लवकर बरे होण्यासाठी शुभेच्छा दिल्या.
advertisement
कोणी कोणी केली विचारपूस?
मुख्यमंत्र्यांनी त्यांच्या प्रकृतीची विचारपूस करण्यासाठी फोन केला. खासदार संजय राऊत यांच्याशी फोनवरून संवाद साधला आणि त्यांच्या प्रकृतीची विचारपूस केली. त्यांनी त्यांना शुभेच्छा दिल्या आणि त्यांना लवकर बरे व्हावे अशी शुभेच्छा दिल्या. पंतप्रधान मोदींनी ही माहिती सोशल मीडिया प्लॅटफॉर्म X वरून राऊतांची प्रकृती लवकर ठीक व्हावी अशी प्रार्थना केली आहे. दरम्यान, ठाकरे गटाच्या नेत्या सुषमा अंधारे यांनी संजय राऊत यांच्यासाठी खास पोस्ट लिहून त्यांच्या प्रकृतीला आराम पडावा, यासाठी प्रार्थना केली आहे.
संजय राऊत यांना काय झालं?
सध्या अचानक माझ्या प्रकृतीत काही गंभीर स्वरुपाचे बिघाड झाल्याचे समोर आले. उपचार सुरू आहेत, मी यातून लवकरच बाहेर पडेन. वैद्यकीय सल्ल्यानुसार मला बाहेर जाणे आणि गर्दीत मिसळणे यावर निर्बंध घालण्यात आले आहेत. त्यास नाईलाज आहे. मला खात्री आहे मी ठणठणीत बरा होऊन साधारण नवीन वर्षात आपल्या भेटीस येईन. आपले प्रेम आणि आशीवाद असेच राहू द्या, असं संजय राऊत म्हणाले.