धैर्यशील मोहिते म्हणजे अकलूजचे वाल्मिक कराड....
आज संपूर्ण गावात कडकडीत बंद ठेवण्यात आला आहे. बेकायदा मुरूम उपसा प्रकरणी कुर्डू गावात कारवाईला आलेल्या महिला आयपीएस अधिकारी अंजना कृष्णा यांना अजित पवारांनी व्हिडीओ कॉलवर धमकावलं होतं. यावर शरद पवारांच्या राष्ट्रवादीचे खासदार धैर्यशील मोहिते पाटील यांनी कुर्डूची परिस्थिती बीडपेक्षा भयानक असून गाव दहशतीत असल्याचं म्हटलं. मात्र आपल्या गावाला बीडची उपमा दिल्याने गावकरी एकत्र आले असून त्यांनी आज गाव बंदची हाक दिली आहे.
advertisement
या वेळी माजी सरपंच आण्णा ढाणे यांनी खासदार धैर्यशील मोहिते पाटील यांच्यावर गंभीर आरोप केले आहेत. धैर्यशील मोहिते पाटील अकलूजचा वाल्मिक कराड असल्याचे त्यांनी म्हटले. खासदार मोहिते यांनी 16 ते 17 खून करवून आणल्याचा गंभीर आरोप अण्णा ढाणे यांनी केला. आता या आरोपामुळे या सगळ्या प्रकरणाला राजकीय वळण लागण्याचे चित्र निर्माण झाले आहे.
जिल्हाधिकाऱ्यांचा अहवाल मुख्यमंत्र्यांकडे...
मुख्यमंत्री देवेंद्र फडणवीस यांनी सदर प्रकरणाची दखल घेत घटनेचा अहवाल मागवला होता.जिल्हाधिकारी कुमार आशिर्वाद यांनी माढ्याचे तहसीलदार संजय भोसले यांना अहवाल देण्याचे आदेश दिले होते. तहसीलदारांनी जिल्हाधिकाऱ्यांना तीन पानी अहवाल पाठवला आहे. यात कुर्डूतील मुरूम उत्खनन बेकायदेशीर असल्याचा ठपका ठेवला आहे. ग्राम-महसुल अधिकाऱ्यांनी पंचनामा केल्यानुसार जमीन महसूल अधिनियमाच्या 1966 च्या कलम 48 (7),(8) नुसार ग्रामपंचायतला पाच लाख 47 हजार 200 रुपयांची दंडात्मक कारवाई केली आहे.