TRENDING:
बीडच्या नाळवाडी ग्रामपंचायतीमध्ये कागदपत्रासाठी ग्रामस्थांकडून पैशाची मागणी केल्याचा ग्रामसेवकाचा व्हिडिओ समोर आला आहे. या व्हिडीओत अधिकारी सरळ सरळ म्हणतो की, “पैसे उसने घ्या, पण आम्हाला द्या”, असा दबाव ग्रामस्थांवर आणण्यात आला. सदर घटना ग्रामपंचायतीच्या कामकाजात पारदर्शकतेचा अभाव आणि अधिकाऱ्यांच्या मनमानी कारभाराचे उदाहरण आहे.
प्रशासकीय कामकाजाचा बुरखा फाडला
सरकारी पातळीवर निधी उपलब्ध असतानाही, गावकऱ्यांकडून व्यक्तिगत स्वरूपात पैसे मागितले जात असल्याचे उघड झाले आहे. संतप्त शेतकऱ्यांनी ग्रामसेवकाचा व्हिडिओ तयार केल्याने प्रशासकीय कामकाजाचा बुरखा फाडला आहे. पैसे घेणाऱ्या ग्रामसेवकाचे नाव शकील सय्यद असे आहे. दरम्यान ग्रामसेवकाची बाजू जाणून घेण्याचा प्रयत्न केला. मात्र त्यांचा संपर्क होऊ शकला नाही.
advertisement
राज्यभरात खळबळ
दर आठवड्यात लाचलुचपत प्रतिबंधक विभागाची कारवाई होत असताना लाचखोरी थांबण्याऐवजी दिवसेंदिवस वाढत आहे. लाचलुचपत प्रतिबंधक विभागाचे अधिकारी-कर्मचारी लाचखोरीला आळा बसावा यासाठी कसोशीने प्रयत्न करत आहेत. परंतु लाचखोरी थांबायचं नाव घेत नाही. पोलीस, व प्रशासनातील भ्रष्टाचाराच्या घटना सातत्याने समोर आल्या आहेत. यामुळे जिल्ह्यासह राज्यभरात खळबळ उडाली आहे.