दैव बलवत्तर म्हणून...! संपूर्ण बाईक पेटून खाक, बाईकचालकाला काहीच झालं नाही; थरारक VIDEO

एक बाईकस्वार तरुण भुसावळ शहराजवळ तापी पुलाच्या अलीकडे कामासाठी जात होता. योगेश सोनवणं असं त्याचं नाव. यावल रोडवर गोदामाजवळ असताना त्याच्या बाईकमधून अचानक धूर येऊ लागला. त्याने लगेच गाडी थांबवली. गाडीवरून उतरून गाडीतून धूर कसा येत आहे हे तो तपासत होता, तोच दुचाकीनं पेट घेतला. बाईकला आग लागताच तरुण बाईकपासून दूर पळाला. रस्त्याच्या कडेला त्याने धाव घेतली.

advertisement

घटनेची माहिती मिळताच पोलीस आणि अग्निशमन दलाने घटनास्थळी धाव घेतली. अग्निशमन दलाने आग नियंत्रणात आणली. तरुण वेळीच बाईकवरून उतरला आणि बाईकपासून दूर झाला म्हणून तो वाचला. काळ आला होता पण वेळ नाही, याचाच प्रत्यय या घटनेतून येतो आहे. दैव बलवत्तर होतं म्हणून मृत्यूच्या दाढेतून हा तरुण बचावला आहे.