ST bus accident : मोठी बातमी! जळगावात प्रवाशांनी भरलेल्या एसटीचा भीषण अपघात, बसचा चक्काचूर

घटनेबाबत अधिक माहिती अशी की, धुळे -बऱ्हाणपूर बसचा भीषण अपघात झाला आहे. या घटनेत दहा प्रवासी जखमी झाले आहेत. या बसमध्ये 49 प्रवासी प्रवास करत असल्याची प्राथमिक माहिती समोर आली आहे. अपघातामध्ये जखमी झालेल्या प्रवाशांपैकी एकाची प्रकृती गंभीर आहे. जखमी प्रवाशांना स्थानिक नागरिक आणि पोलिसांच्या मदतीनं उपचारासाठी स्थानिक रुग्णालयात दाखल करण्यात आलं आहे.

advertisement

धुळे -बऱ्हाणपूर बसला भरधाव ट्रकनं कट मारल्यामुळे हा अपघात झाला आहे. विवरा गावाजवळ ही घटना घडली, सुदैवानं या अपघातामध्ये कोणतीही जीवितहानी झालेली नाही. मात्र दहा प्रवासी जखमी झाले आहेत. त्यातील एकाची प्रकृती गंभीर असल्याची माहिती समोर येत आहे. दरम्यान घटनेची माहिती मिळताच पोलिसांनी तातडीनं घटनास्थळी धाव घेऊन, बचाव कार्याला सुरुवात केली.