याबाबत मिळालेली माहिती अशी की, संरक्षण खात्यासह पोलीस दलाला पुरवण्यात येणाऱ्या बंदुकीच्या गोळ्या वरणगाव इथल्या ऑर्डनन्स फॅक्टरीत तयार होता. बंदुकीच्या गोळ्या तयार झाल्यानंतर त्याची चाचणी किंवा परीक्षण केले जाते. त्यानंतर त्या गोळ्या संरक्षण खात्याला पुरवल्या जातात. एके ४७ आणि गलील रायफलच्या सहाय्याने प्रूफ टेस्टिंग करण्यात येते.
ऑर्डनन्स फॅक्टरीत असलेल्या प्रूफ टेस्टिंग विभागात कुलुपबंद कपाटात रायफल ठेवण्यात आल्या होत्या. त्या रायफल चाचणीसाठी आणायला कर्मचारी गेले असता त्यांच्या लक्षात ही बाब आली. ऑर्डनन्स फॅक्टरीच्या प्रशासनाकडून रायफल शोधण्यात आल्या पण त्या सापडून आल्या नाहीत. शेवटी या प्रकरणी पोलिसात तक्रार देण्यात आलीय.
advertisement
ऑर्डनन्स फॅक्टरीचे अतिरिक्त जनरल मॅनेजर महेश शिंदे यांनी सांगितलं की, आतापर्यंत असं कधीच घडलं नाही. एखादी व्यक्ती फॅक्टरीबाहेर रायफल कशी घेऊन जाऊ शकते? हे धक्कादायक आहे. डिफेन्स सिक्युरीटी पोलिसांकडून सुरक्षा पाहिली जाते. या प्रकरणाचा तपास केला जात असून सीसीटीव्ही फूटेज तपासले जाणार आहे.
वरणगाव ऑर्डनन्स फॅक्टरीतून तीन एके ४७ आणि दोन गलील रायफल अशा एकूण पाच रायफल्स चोरीला गेल्या आहेत. या रायफल्सची एकूण किंमत ८ लाख रुपये इतकी आहे. संरक्षण खात्याची शस्त्रे चोरल्या प्रकरणी अज्ञाताविरोधात गुन्हा दाखल करण्यात आला आहे. आता पोलीस या प्रकरणाची कसून चौकशी करत आहेत.