हा फलक लागल्यापासून गावात आणि परिसरात चांगलीच चर्चा रंगली आहे. उधारीमुळे वैतागलेल्या दुकानदाराने उघडपणे दिलेला इशारा दिला आहे. दुकानातून उधारीवर मटण नेलेल्या ग्राहकांचे आता अक्षरशः धाबे दणाणले आहेत. दिवाळी जवळ आल्यामुळे नावे उघड होण्याच्या भीतीने लोक पैसे देतील अशी अपेक्षा मटण विक्रेत्या दुकानदाराला आहे. दुकानदाराचे नाव सदल्या काशिद आहे.
कोल्हापूरकर काय म्हणाले?
advertisement
मटण विक्रेत्याचा हा निर्णय काहींना पटला असून, उधारी संस्कृतीला लगाम घालण्यासाठी हा योग्य मार्ग आहे असे मत कोल्हापूरकर मांडत आहेत. गावोगावी दुकानदारांकडे मोठ्या प्रमाणात उधारी थकली जाते. कधी ग्राहक पैसे न देता टाळाटाळ करतात तर कधी महिनोनमहिने वसुली होत नाही. अशावेळी बहिरेश्वरातील या मटण दुकानदाराने घेतलेली ही सार्वजनिक फजितीची धमकी उधारीदारांसाठी मोठा धक्का ठरत आहे.
काय लिहलंय फलकावर?
लवकरात लवकर उधारी जामा करावी
एकूण उधारी 54, 750 रुपये फक्त
उधारी जमा झाली नाही तर दिवाळीत बोर्डवर नावे येतील
आपली उधारी आहे की नाही याची खात्री करण्यासाठी संपर्क करा, नंतर तक्रर ऐकून घेतली जाणार नाही
उधारी करणे/मागणे आपला हक्क आहे...
पैसे देणे आपले कर्तव्य आहे...
सोशल मीडियावरही या बोर्डचे फोटो आणि व्हिडिओ व्हायरल होत असून, नेटकऱ्यांकडून मिश्र प्रतिक्रिया उमटत आहेत. काहींनी दुकानदाराच्या धाडसाचे कौतुक केले आहे, तर काहींनी हे "अत्यंत टोकाचे पाऊल" असल्याचे म्हटले आहे. मात्र, दिवाळीपूर्वी उधारी वसूल करण्यासाठी गावच्या चौकातील हा फलक किती प्रभावी ठरतो, याकडे सर्वांचे लक्ष लागले आहे.