बंद होणार होती ZP शाळा, आज ठरली जगातली नंबर वन School, प्रत्येक पालकाने पाहावी अशी स्टोरी! Video

दत्तात्रय वारे यांनी सांगितले की, आमच्या शाळेत विद्यार्थ्यांना फक्त पाठ्यपुस्तकांचे धडे शिकवले जात नाहीत, तर त्या गोष्टींचं प्रत्यक्ष ज्ञान दिलं जातं. इथे रोबोटिक्स, कोडिंग, फ्रेंच आणि जपानी भाषा शिकवली जाते. तसेच आरी वर्क, मेकॅनिकल वर्कशॉप, इलेक्ट्रॉनिक्स, सुतारकाम, चित्रकला यांसारख्या अनेक कौशल्यांचा प्रत्यक्ष अनुभव विद्यार्थ्यांना दिला जातो. या शाळेतील दुसरी-तिसरीतील विद्यार्थी सुद्धा कोडिंग करतात. जरी ही शाळा पहिली ते चौथीपर्यंतची असली, तरी तिच्या शिक्षण पद्धतीने प्रभावित होऊन चौथीपुढील अनेक विद्यार्थी ओपन स्कूल पद्धतीने इथे शिक्षण घेतात. या शाळेवर संदीप म्हसुडगे हे मुख्याध्यापक आणि दत्तात्रय वारे हे शिक्षक आहेत.