जिद्दीनं निवडणूक जिंकली, पण नियतीनं घात केला, अजित पवार गटाच्या नगरसेविकाचा करुण अंत

उपचारासाठी तासभर वणवण

मिळालेल्या माहितीनुसार, आज पहाटे शाहूताई कांबळे यांना अचानक छातीत तीव्र वेदना होऊ लागल्या. त्यांच्या नातेवाईकांनी विलंब न करता त्यांना अहमदपूर शहरातील खाजगी रुग्णालयांत धाव घेतली. मात्र, पहाटेची वेळ असल्याने शहरातील अनेक खाजगी रुग्णालये बंद होती, तर काही ठिकाणी डॉक्टर उपलब्ध नव्हते. तब्बल एक तास उपचारासाठी वणवण फिरल्यानंतर अखेर त्यांना शासकीय ग्रामीण रुग्णालयात नेण्यात आले.

advertisement

दुर्दैवाने, शासकीय रुग्णालयात पोहोचण्यास खूप उशीर झाला होता. डॉक्टरांनी उपचार सुरू करण्यापूर्वीच त्यांची प्राणज्योत मालवली. १५ ते २० मिनिटं आधी उपचार मिळाले असते, तर कदाचित शाहूताई आज आपल्यात असत्या, अशी भावना त्यांच्या नातेवाईकांनी व्यक्त केली आहे.

मध्यमवर्गीय कुटुंबातून थेट नगरपालिकेपर्यंतचा प्रवास

शाहूताई कांबळे या राष्ट्रवादी काँग्रेसच्या अत्यंत निष्ठावान कार्यकर्त्या होत्या. २०१७ च्या निवडणुकीत त्यांचा अवघ्या १२ मतांनी पराभव झाला होता, मात्र त्यांनी जनसंपर्क सोडला नाही. यंदा सहकारमंत्री बाबासाहेब पाटील यांनी त्यांच्यावर विश्वास टाकला आणि त्यांच्या विजयासाठी स्वतः मैदानात उतरले होते.