Nagarparisha-Nagarpalika elections Live : 24 नगरपरिषद, 76 नगरपालिका निवडणुकीच्या मतदानाला सुरुवात

शिवसेना-भाजपात जागावाटपावरून रस्सीखेच पाहायला मिळतोय…..मुंबई, ठाणे संभाजीनगरमध्ये जागावाटपाचा तिढा निर्माण झालाय…सन्मानजनक जागा न मिळाल्यास स्वबळावर लढण्याचा इशारा शिवसेनेनं दिलाय.

राज्यातील २९ महापालिकांच्या निवडणुकींची घोषणा झाल्यानंतर राजकीय घडामोडींना वेग आला आहे. ठाकरेंची शिवसेना आणि मनसेच्या युतीची घोषणा लवकरच होणार असल्याची चर्चा आहे. दोन्ही पक्षाच्या नेत्यांच्या भेटीगाठी वाढल्या आहेत. ठाकरेंच्या पक्षाचे नेते अनिल परब यांनी पुन्हा एकदा मनसे अध्यक्ष राज ठाकरे यांची भेट घेतली आहे. जवळपास अर्धा तास जागावाटपावर बैठक झाली असून लवकरच युतीची अधिकृत घोषणा करण्यात येणार असल्याची माहिती नितीन सरदेसाईंनी दिलीये.

अंबरनाथच्या चिखलोली परिसरातील प्रभाग क्रमांक 5च्या मतदान केंद्रावर गोंधळ झालाय. EVMमध्ये छेडछाड केल्याचा आरोप शिवसेनेच्या पदाधिकाऱ्यांनी केला. त्यामुळे अधिकाऱ्यांवर कारवाई करण्यात यावी आणि छेडछाड केलेल्या मशीन बदलण्यात याव्यात अशी मागणी शिवसेनेने केली आहे. दरम्यान निवडणूक निर्णय अधिकाऱ्यांनी मशीनचा सील कायम असल्याचं म्हटलंय, जर काही छेडछाड केली असेल तर दोषींवर कारवाई केली जाणार असल्याचं स्पष्टीकरण निवडणूक अधिकाऱ्यांनी दिलंय…

24 नगरपरिषदा, नगरपंचायतींसाठी आज मतदान होत आहे. राज्यभरातील दिग्गज उमेदवारांची प्रतिष्ठा पणाला लागली आहे. सर्व मतदान केंद्रांवर कडेकोट सुरक्षा व्यवस्था ठेवण्यात आली आहे. सकाळी 7:30 ते संध्याकाळी 5:30 मतदान करण्याची वेळ असणार आहे. ‘न्यूज18 लोकमत’वर मतदानाची प्रत्येक अपडेट