TRENDING:
मालेगावमध्ये डोंगराळे गावात ४ वर्षांच्या चिमुरडीवर अत्याचार करून निर्घृणपणे खून करण्यात आला. या प्रकरणात आरोपी विजय संजय खैरनार हा पोलिसांच्या कोठडीत आहे. मालेगाव जिल्हा सत्र न्यायालयाने आरोपीला ११ दिवसांची पोलीस कोठडीत रवानगी केली आहे. कोठडीत असताना विजय हा पुरता हादरून गेला आहे. मागील ११ दिवसांपासून त्याला शहरातील वेगवेगळ्या पोलीस कोठडीत ठेवण्यात आलं आहे. त्यावेळी त्याला इतर आरोपी सारखंच जेवण दिलं जातं, त्याला इतर आरोपींसारखंच वागवलं जातं. आपल्या हातातून घडलेल्या सैतानी कृत्यामुळे विजय हा आतून हादरून गेला आहे. त्याला आता धड झोप येत नाही, रात्रीच तो उठून बसतो, अशी माहिती समोर आली आहे. याबद्दलचं वृत्त दिव्य मराठीनं दिलं आहे.
advertisement
आरोपी विजय खैरनार हा 24 वर्षांचा असूनही अशिक्षित असल्याचं समोर आलं आहे. त्याला फक्त स्वत: नाव लिहिता येतं. आता आपल्याला कठोर शिक्षा होणार आहे, याची त्याला जाणीव झाली आहे, ते त्याच्या चेहऱ्यावरून दिसून येत आहे, अशी माहिती अधिकाऱ्यांनी दिली.
चिमुरडीच्या हत्येनंतर घर काढलं होतून धुवून!
या नराधमाने चिमुरड्या मुलीवर आधी अत्याचार केले होते. त्यानंतर कंबरेच्या करदोड्याने तिचा गळा आवळून खून केला. तिचा मृत्यू झाला आहे असं समजून त्याने तिचा मृतदेह झुडपात फेकून दिला होता. घरात कुणी आलं तर त्याच्या हाती काही लागेल या भीतीपोटी त्याने घर सगळं धुवून काढलं होतं. पुरावे कुणाच्या हातात लागू नये म्हणून त्याने घरात साफसफाई केली होती. पण, पोलिसांनी चिमुरडीचं शवविच्छेदन केलं. त्यामध्ये चिमुरडीवर अत्याचार झाला आणि गळा दाबून खून केला. तसंच डोक्याला गंभीर दुखापतीमुळे मृत्यू झाल्याचं अहवालात स्पष्ट झालं आहे. पोलिसांनी याबद्दलचे सगळे पुरावे गोळा केले आहे. त्यामुळे नराधम हा फासापर्यंत जाईल, असं अधिकाऱ्यांनी विश्वासाने सांगितलं.
आरोपीला १ डिसेंबरपर्यंत पोलीस कोठडी
दरम्यान, २७ नोव्हेंबर रोजी मालेगाव जिल्हा सत्र न्यायालयामध्ये सुनावणी पार पडली. यावेळी लोकांचा संताप लक्षात घेता आरोपीला कोर्टात व्हिडीओ कॉन्फरन्सद्वारे हजर करण्यात आलं. कोर्टामध्ये ही त्याची तिसरी उपस्थिती होती. गुन्ह्यात वापरलेले शस्त्र जप्त करण्यासाठी सरकारी वकिलांनी ४ दिवसांच्या पोलीस कोठडीची मागणी केली. तर संशयिताच्या वकिलांनी अटक बेकायदेशीर असल्याचा दावा केला होता. न्यायालयाने दोन्ही बाजू ऐकून घेत आरोपी १ डिसेंबरपर्यंत पोलीस कोठडी सुनावली आहे.