Pune Bus : ST चा एक निर्णय अन् PMPL ला दिलासा, आळंदीकरांसाठी असा होणार फायदा

आळंदीमध्ये सध्या पीएमपीचे कोणतेही आगार नाही. येणाऱ्या भाविकांची संख्या खूप असल्यामुळे प्रवाशांच्या सोयीसाठी येथे फक्त एक छोटा बस थांबा बांधण्यात आला आहे, जिथून दररोज सव्वाशे बसची वाहतूक होते. भाविकांसाठी सोयीची व्यवस्था करण्याच्या दृष्टीने पीएमपी प्रशासन काही दिवसांपासून नवीन आगारासाठी जागेच्या शोधात होते. यासाठी अध्यक्ष पंकज देवरे यांनी विभागीय आयुक्त चंद्रकांत पुलकुंडवार यांच्याकडे प्रस्ताव सादर केला होता. हा प्रस्ताव नंतर विभागीय आयुक्तांच्या कार्यालयातून राज्य परिवहन महामंडळाच्या मुख्यालयाकडे पाठवण्यात आला, आणि आता एसटी प्रशासनाने त्यास मंजुरी दिली आहे.