Numerology: लहानपणापासूनच हुशार असणाऱ्या मुलांचा जन्म या 4 तारखांचा असतो; आई-बापाचं नाव रोशन करतात

आज आम्ही तुम्हाला मूलांक 3 असलेल्या विद्यार्थ्यांबद्दल सांगणार आहोत. या मूलांकाची मुले अभ्यासात खूप हुशार असतात, आपल्या हुशारीनं ते कुटुंबाला आणि समाजाला गौरव मिळवून देतात. मूलांक क्रमांक 3 असलेल्या विद्यार्थ्यांबद्दल जाणून घेऊ.

अंकशास्त्रानुसार, मूलांक क्रमांक 3 असलेले लोक लहानपणापासूनच अभ्यासात खूप हुशार असतात. ही मूलं कोणत्याही गोष्टी लवकर समजून घेतात आणि सगळं लक्षात ठेवण्याची अद्भुत क्षमता त्यांच्यात असते. अशी मुले आपल्या हुशारी आणि बुद्धिमत्तेने आई-वडिलांचे नाव रोशन करतात. अशा मूलांविषयी अधिक जाणून घेऊया...

मूलांक 3 असलेल्यांवर गुरूचा आशीर्वाद - अंकशास्त्रानुसार, 3, 12, 21 आणि 30 तारखेला जन्मलेल्या मुलांचा मूलांक 3 असतो. 3 मूलांकावर गुरू ग्रहाची कृपा असते. त्यामुळेच ही मुले ज्ञानात श्रेष्ठ बनतात. वैदिक ज्योतिषशास्त्रात, गुरू हा ज्ञान, बुद्धी, धर्म आणि उच्च शिक्षणासाठी कारक ग्रह मानला जातो. गुरूची कृपा आयुष्यात नशीब आणि यश मिळवून देते.

3 मूलांक असलेले लोक खूप उत्साही आणि जिज्ञासू असतात - गुरूच्या प्रभावाने मूलांक 3 असलेल्या मुलांची बुद्धी तीक्ष्ण असते, कामे प्रभावीपणे करू शकतात. जन्मापासून त्यांच्यामध्ये ठरवलेलं काम करण्यासाठी धैर्य आणि दृढनिश्चय असतो. सर्वात कठीण कामांनाही संधी मानून करण्याचा प्रयत्न करतात. ही मुले खूप उत्साही आणि जिज्ञासू असतात. त्यांना काहीतरी नवीन शिकण्याची संधी मिळाली तर ते लगेच आव्हान स्वीकारतात.

शैक्षणिक क्षेत्राव्यतिरिक्त 3 मूलांकाचे लोक लेखन, चित्रकला किंवा इतर प्रतिभांमध्ये पारंगत असतात. तथापि, या मुलांना योग्य मार्गदर्शनाची आवश्यकता असते. जर त्यांना योग्य मार्गदर्शन मिळाले आणि परिश्रमाची प्रशंसा झाली तर ते मोठे होऊन त्यांच्या पालकांना आणि कुटुंबाला गौरव मिळवून देऊ शकतात.

3 मूलांकाचे लोक या क्षेत्रात भरभराटीला येतात - मूलांक 3 असलेले लोक बुद्धिमान असतात. ते अडचणींमध्ये लगेच विचार करतात आणि समस्या सोडवण्यासाठी आपल्या बुद्धीचा योग्य वापर करतात. म्हणूनच ते केवळ त्यांच्या अभ्यासातच उत्कृष्ट नसतात तर जीवनाच्या इतर क्षेत्रातही यश मिळवतात. त्यांची विचारसरणी कधीही मर्यादित नसते आणि ते नेहमीच नवीन मार्ग शोधत असतात. मूलांक 3 असलेले लोक पोलीस, सैन्य किंवा प्रशासकीय सेवांसारख्या क्षेत्रात अनेकदा वेगाने प्रगती करतात.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)