Pune: कात्रज बायपासला जरा दमानं, वाहतूक पोलिसांचे नवे नियम, पहिल्याच दिवशी 110 जणांना दंड!

पुणे: वाहतुकीतील वाढता वेग, नियमांकडे दुर्लक्ष आणि सतत होणारे अपघात या पार्श्वभूमीवर कात्रज बायपास मार्गावर वेगमर्यादा नियंत्रणासाठी मोठा निर्णय घेण्यात आला. पुणे शहर वाहतूक शाखेने नव्या आदेशांची अंमलबजावणी मंगळवारपासून सुरू केली. पहिल्याच दिवशी तब्बल 110 वाहनचालकांनी वेगमर्यादा ओलांडल्याचे आढळून आले असून त्यांच्यावर ई-चलनाद्वारे कारवाई करण्यात आली.