कायमच दुष्काळ तरी माळरानावर फुलवलं नंदनवन, आता येवल्याचा शेतकरी करतोय लाखोंची कमाई

मुंबई : दुष्काळग्रस्त भागातही शेतीमध्ये आधुनिक प्रयोग करून यशस्वी होण्याचे उत्तम उदाहरण नाशिक जिल्ह्यात पाहायला मिळत आहे. पारंपरिक शेतीमध्ये वाढते संकट, बदलते हवामान आणि कमी दर यामुळे शेतकऱ्यांना तोट्याला सामोरे जावे लागत आहे. त्यामुळे अनेक शेतकरी पर्यायी शेती पद्धती स्वीकारत आहेत. अशाच यशस्वी प्रयोगांपैकी एक म्हणजे येवला तालुक्यातील हडप सावरगाव येथे शेतकरी सुनील सोनवणे यांनी फुलवलेली ड्रॅगन फ्रुटची शेती. ज्यामुळे त्यांना थेट लाखोंचा हमखास नफा मिळू लागला आहे.