नायगाव उड्डाण पुलावरून दुचाकी कोसळली, तरणाबांड पोरगा जागेवर गेला

रोहित सिंग (वय २०) आणि त्याचा मित्र विघ्नेश कटकिरवा (वय १९) हे दोघे मुंबईहून नायगाव पश्चिमेच्या उमेळा येथे जाण्यासाठी दुचाकीवरून (एमएच ०४ केव्ही ९६०७) निघाले होते. रविवारी ते नायगाव उड्डाणपूलावरून जात असताना दुचाकीचे नियंत्रण सुटले आणि दुचाकी डाव्या बाजूच्या सिमेंटच्या कठड्याला धडक देऊन थेट खाली पडली.

या अपघातात दुचाकी चालक रोहित सिंग याचा जागीच मृत्यू झाला तर मागे बसलेला विघ्नेश किटकरवा गंभीर जखमी झाला. त्याच्यावर वसईच्या कार्डिनल ग्रेशस रुग्णालयात उपचार सुरू आहे.

advertisement

या प्रकरणी माणिकपूर पोलिसांनी अपघाती मृत्यूची नोंद केली आहे. मयत रोहीत हा गोरेगाव येथे राहणारा होता. जखमी विघ्नेश नायगाव येथील रहिवाशी आहे. दुचाकी उड्डाणपूलावरून खाली पडून झालेला हा तिसरा अपघात आहे.