Nashik Winning Candidates: नाशिक महानगरपालिका निकाल, विजयी उमेदवार; नव्या नगरसेवकांची संपूर्ण यादी

भारतीय जनता पक्ष (BJP): 70

शिवसेना (शिंदे गट): 26

शिवसेना (उद्धव बाळासाहेब ठाकरे): 16

राष्ट्रवादी काँग्रेस (अजित पवार): 4

काँग्रेस: 3

मनसे: 1

अपक्ष: 1

नाशिक महानगरपालिकेतील विजयी उमेदवार यादी (Nashik Winning Candidates)

advertisement

महत्त्वाचे निकाल:

प्रभाग 16: येथे शिंदे गटाने सर्व 4 जागा जिंकून बाजी मारली.

प्रभाग 22: येथे ठाकरे गटाचे पूर्ण पॅनेल निवडून आले, जो त्यांच्यासाठी मोठा विजय ठरला.

प्रभाग 29: येथील अ-गटातून मुकेश शहाणे या एकमेव अपक्ष उमेदवाराने विजय मिळवून सर्वांचे लक्ष वेधले.

विजयाचे फॅक्टर

1. भाजपची 'एकहाती' सत्ता: प्रभाग 1 ते 4 मध्ये भाजपने सलग विजय मिळवत विजयाचा श्रीगणेशा केला. दिनकर पाटील, रंजना भानसी, हिमगौरी आडके आणि सतीश कुलकर्णी (भाजप पुरस्कृत गट) यांसारख्या मातब्बर नेत्यांनी आपापले प्रभाग राखले आहेत. विशेष म्हणजे अनेक प्रभागांमध्ये भाजपने पूर्ण पॅनेल (4-0) निवडून आणले आहे.

2. मुख्यमंत्री फडणवीसांचा 'मॅजिक' फॅक्टर: नाशिक दत्तक घेण्याची घोषणा केल्यानंतर फडणवीसांनी नाशिकच्या मेट्रो आणि आयटी हबसाठी जे प्रयत्न केले, त्याचे फळ या निकालात दिसत आहे. शहरातील मध्यमवर्गीय आणि तरुण मतदारांनी मोठ्या प्रमाणावर भाजपला कौल दिला आहे.

3. महायुतीचा दबदबा: शिंदे गटाच्या शिवसेनेने 26 जागा जिंकून भाजपला भक्कम साथ दिली आहे. अजय बोरस्ते, विलास शिंदे आणि निवृत्ती इंगोले यांसारख्या नेत्यांनी शिंदे गटाचा भगवा फडकवत ठेवला आहे. भाजप आणि शिंदे गट मिळून नाशिकमध्ये सत्तेचे समीकरण सहज जुळवताना दिसत आहेत.

4. ठाकरे गटाची झुंज, काँग्रेसची पिछाडी: उद्धव ठाकरे यांच्या शिवसेनेने सिडको आणि सातपूर भागात 16 जागा जिंकून लढा देण्याचा प्रयत्न केला, पण तो भाजपच्या वादळासमोर अपुरा ठरला. काँग्रेस आणि राष्ट्रवादी (अजित पवार) यांनाही नाशिकमध्ये मोठी कामगिरी करता आली नाही.