TRENDING:
महादेव जानकरांचा मतदारसंघ ठरला
सुनिल तटकरे म्हणाले, रायगड आणि शिरूर लोकसभा मतदारसंघात अजित पवार यांनी आधीच उमेदवारी जाहिर केली आहे. महायुतीच्या बैठकीत परभणीची जागा ही राष्ट्रवादीच्या वाट्याला आली आहे. या जागेवर महादेव जानकर हे आमचे उमेदवार असतील. राष्ट्रीय समाज पक्षाला राष्ट्रवादीनं ही जागा दिली आहे. महादेव जानकर हे परभणीचे महायुतीचे लोकसभेचे अधिकृत उमेदवार असणार आहेत. परभणी जिल्ह्यातल्या सहकार्यांशी आम्ही सर्वांनी चर्चा केली. महादेव जानकर हे राष्ट्रीय समाज पक्ष आणि पक्षचिन्हाकडूनच परभणीची जागा लढणार आहेत.
advertisement
वाचा - मोठी बातमी, उदयनराजेंनी घेतली शिवेंद्रराजेंची भेट, साताऱ्याच्या राजकारणाला नवं वळण
रायगड लोकसभेत भाजपची भूमिका काय?
भाजप नेता आणि कार्यकर्त्यांच्या काही मागण्या होत्या. त्या मंत्री रवींद्र चव्हाण आणि चंद्रशेखर बावनकुळे यांनी ऐकल्या आहेत. रायगड आणि 48 मतदारसंघासंदर्भात आम्ही जोरदार काम करत आहोत. रायगडमध्ये उद्या माझी बैठक होईल आणि एकत्रित आम्ही परवापासून सुरुवात करणार आहोत. मुख्यमंत्र्यांच्या उपस्थिती काल बैठक झाली आहे. आता माझी जबाबदारी राहील. सर्व घटक पक्षांची बैठक करुन सुरुवात करायची आहे.
कनिष्ठ पातळीवर जे निर्णय झालेत त्यासंदर्भात घोषणा होतील. आज उद्या एकनाथ शिंदे, देवेंद्र फडणवीस आणि अजित पवार आणि माझी एक पुन्हा बैठक होईल. त्यात सर्व चित्र स्पष्ट होईल. माझी आणि आढळराव पाटील यांच्या नावाची घोषणा पहिल्या यादीत अजित पवार यांनी केली होती, अशी माहिती सुनिल तटकरे यांनी दिली.