TRENDING:
23 ऑक्टोबर 2025 रोजी फलटणमधील एका हॉटेलमध्ये महिला डॉक्टरने गळफास घेऊन आपली जीवनयात्रा संपवली होती. या प्रकरणात आत्महत्येस प्रवृत्त केल्याच्या आरोपाखाली पोलीस उपनिरीक्षक गोपाळ बदने आणि प्रशांत बनकर या दोघांना अटक करण्यात आली होती. बदने गेल्या पाच महिन्यांपासून न्यायालयीन कोठडीत होता. त्याने जामिनासाठी कोल्हापूर सर्किट बेंचमध्ये अर्ज केला होता. दोन्ही बाजूंचा युक्तिवाद ऐकल्यानंतर न्यायालयाने त्याला दिलासा दिला आहे.
advertisement
काय झालं कोर्टात?
महिला डॉक्टरने मृत्यूपूर्वी तिच्या हातावर एक नोट लिहिली होती. पीएसआय गोपाळ बदने आणि प्रशांत बनकर या दोघांची नावे लिहून त्यांनी शारीरिक आणि मानसिक छळ केल्याचे नमूद केले होते. त्यामुळे फलटण पोलिसांनी गोपाळ बदनेसह प्रशांत बनकरला अटक केल होती. या प्रकरणानंतर राड्यात संतापाची लाट उसळली होती. अखेर कोर्टाने युक्तिवाद ऐकल्यानंतर पाच महिन्यानंतर जामीन मंजूर झाला आहे. कोर्टाने जामीन मंजूर केला असला तरी गोपाळ बदनेला तीन अटी घातल्या आहेत.
काय अटी घातल्या आहेत?
- जामीनानंतर बाहेर गेल्यानंतर कोणत्याही प्रकारे फिर्यादी पक्षाच्या साक्षीदारांवर दबाब आणू नये तसेच फिर्यादी पक्षाच्या पुराव्यामध्ये कोणत्याही प्रकारचा फेरफार करायचा नाही.
- सुनावणीच्या प्रत्येक तारखेला हजर राहिला पाहिजे. तपास अधिकाऱ्याकडे आधार आणि पॅनकार्ड, सविस्तर पत्ता, फोन नंबर, जवळच्या दोन नातेवाईकांची माहिती द्यावी.
- कोणत्या अटीचा भंग केल्यास जामीन रद्द करण्यात येईल.
महिला डॉक्टरने हातावर काय लिहिलं होतं?
महिला डॉक्टरने आत्महत्येपूर्वी आपल्या हातावर सुसाईड नोटच्या स्वरूपात काही वाक्ये लिहिली होती. या मजकुरात त्यांनी नमूद केले आहे की, “पोलीस निरीक्षक गोपाल बदने याने माझ्यावर चार वेळा बलात्कार केला, तर पोलीस प्रशांत बनकर याने मला सतत मानसिक त्रास दिला. या धक्कादायक खुलाशानंतर पोलीस यंत्रणा आणि आरोग्य विभागात खळबळ उडाली आहे.
हे ही वाचा :