TRENDING:
नेमकं प्रकरण काय?
मिळालेल्या माहितीनुसार, तक्रारदार व्यक्तीच्या विरोधात एका इसमाने बंडगार्डन पोलीस ठाण्यात फसवणुकीचा अर्ज दिला होता. या अर्जाची चौकशी पोलीस उपनिरीक्षक संदीप खेडकर (रा. वानवडी) यांच्याकडे होती. या चौकशीत तक्रारदाराला वाचवण्यासाठी आणि त्याच्यावर गुन्हा दाखल न करण्यासाठी खेडकर यांनी २ लाख रुपयांची मागणी केली.
'एसीबी'चे जाळे आणि तडजोड
लाचेच्या मागणीने त्रस्त झालेल्या तक्रारदाराने ३ फेब्रुवारी रोजी पुणे लाचलुचपत प्रतिबंधक विभागाकडे धाव घेऊन तक्रार नोंदवली. 'एसीबी'ने या तक्रारीची अत्यंत गोपनीयरीत्या पडताळणी केली. या पडताळणी दरम्यान खेडकर यांनी स्वतःसाठी आणि आपल्या वरिष्ठांसाठी म्हणून तडजोड केली आणि अखेर १ लाख रुपये घेण्याचे मान्य केले.
advertisement
वरिष्ठांचेही नाव आल्याने खळबळ
पडताळणीत खेडकर यांनी केवळ स्वतःसाठीच नव्हे, तर 'वरिष्ठांसाठी' देखील पैसे हवे असल्याचे सांगितल्याने पोलीस दलात मोठी खळबळ उडाली आहे. तडजोडीअंती १ लाख रुपये मागितल्याचे निष्पन्न होताच, एसीबीने संदीप खेडकर यांच्याविरुद्ध गुन्हा दाखल केला आहे. या प्रकरणाचा पुढील तपास लाचलुचपत प्रतिबंधक विभाग करत असून, यात आणखी कोणाचे हात गुंतले आहेत का, याचाही शोध घेतला जात आहे.