राज ठाकरे आणि उद्धव ठाकरे यांच्या आजच्या भेटीबाबत गुप्तता पाळण्यात आली. नियोजित भेट नसताना राज ठाकरे थेट उद्धव ठाकरे यांच्या मातोश्री निवासस्थानी दाखल झाले. याअगोदर देखील दोन्ही भावांनी भेटीसंदर्भात गुप्तता पाळली होती. आज संजय राऊत यांच्या कौटुंबिक कार्यक्रमाला राज ठाकरे आणि उद्धव ठाकरे यांची भेट झाली. त्यानंतर अचानक राज ठाकरे मातोश्री निवासस्थानी दाखल झाले. महत्त्वाचे म्हणजे राज- उद्धव भेटीदरम्यान कोणतेही इतर नेते मातोश्रीवर उपस्थित नसल्याची माहिती सूत्रांनी दिली आहे.
advertisement
40 मिनिटे राज ठाकरे मातोश्रीवर
संजय राऊत यांच्या कौटुंबिक कार्यक्रमात ठाकरेंच्या सेनेचे अनेक नेते उपस्थित होते. त्यापैकी कोणत्याही नेत्याला राज ठाकरे मातोश्रीवर जाणार आहेत याची कोणाला कल्पना नव्हती. संजय राऊत यांच्या कौटुंबिक कार्यक्रमाला खासदार अनिल देसाई, आमदार मिलिंद नार्वेकर, आमदार सचिन अहिर उपस्थित होते. जवळपास 40 मिनिटं राज ठाकरे मातोश्रीवर होते. दुपारी ०२:३० वाजता आत गेले आणि ०३:१० ला बाहेर पडले.
राज ठाकरे दुसऱ्यांदा मातोश्रीवर दाखल
याअगोदर देखील राज ठाकरे हे उद्धव ठाकरे यांच्या वाढदिवसाला थेट मातोश्रीवर दाखल झाले होते. तसेच गणेशोत्सवानंतर देखील उद्धव ठाकरे हे राज ठाकरे यांच्या निवासस्थानी गुप्तता पाळून ठराविक नेत्यांसोबत शिवतीर्थावर पोहचले होते.यावेळी राज ठाकरेंसोबत पत्नी शर्मिला ठाकरे देखील होत्या. शर्मिला ठाकरे या अनेक वर्षांनी मातोश्रीवर दाखल झाल्या.
ठाकरे बंधूंच्या भेटीगाठींचा सिलसिला
- 5 जुलै 2025
- 27 जुलै 2025
- 27 ऑगस्ट 2025
- 10 सप्टेंबर 2025
मराठी विजयी मेळावा
मातोश्री (उद्धव ठाकरेंच्या वाढदिवसानिमित्त)
शिवतीर्थ निवासस्थान (गणेशोत्सव)
शिवतीर्थ निवासस्थान (उद्धव ठाकरे संजय राऊत, अनिल परबांसह राज ठाकरेंच्या भेटीला)