TRENDING:
परंडा तालुक्यातील लोणी गटातून निवडून आलेल्या उद्धव ठाकरे गट समर्थक अपक्ष उमेदवार राणी रेवणाथ ढोरे तसेच माजी आमदार ज्ञानराज चौगुले समर्थक शिवसेनेचे बंडखोर उमेदवार आणि आलूर गटाचे आप्पासाहेब मल्लिनाथ पाटील हे दोघेही आता भाजप आमदार राणाजगजीतसिंह पाटील यांच्या गटात दाखल झाले आहेत. या घडामोडीमुळे शिवसेना आणि उद्धव ठाकरे गटात अस्वस्थता पसरली असून स्थानिक राजकारणात मोठी खळबळ उडाली आहे.
advertisement
राणा पाटील यांनी टाकलेली ही चाल निर्णायक ठरण्याची शक्यता
जिल्हा परिषदेत सत्ता स्थापनेसाठी दोन्ही बाजूंनी सदस्यांची पळवा-पळवी सुरू असून विविध गटांकडून आमदार आणि प्रमुख नेत्यांचे फोन, भेटीगाठी आणि राजकीय डावपेच सुरू आहेत. या पार्श्वभूमीवर राणा पाटील यांनी टाकलेली ही चाल निर्णायक ठरण्याची शक्यता व्यक्त केली जात आहे.
राजकीय हालचालींना वेग
दरम्यान, भाजप आमदार राणाजगजीतसिंह पाटील यांच्या कार्यकर्त्यांनी माध्यमांना फोटो आणि व्हिडिओ पाठवून या घडामोडींची माहिती दिली. सध्या सहलीवर गेलेल्या भाजप समर्थक उमेदवारांचा कोकणातील मुक्काम कर्नाटकात हलविण्यात आल्याचे व्हिडीओही सोशल मीडियावर व्हायरल झाले आहेत. या व्हिडिओंमधून राजकीय हालचालींना वेग आल्याचे स्पष्ट दिसत असून, कोणत्याही दबावाखाली न येता सदस्य सुरक्षित ठेवण्यासाठी ही व्यवस्था करण्यात आल्याचे भाजपकडून सांगण्यात आले.
राजकीय पक्षांकडून हालचालींना वेग
जिल्हा परिषदेत सत्तास्थापनेचा संघर्ष अधिकच तीव्र होत असून येत्या काही तासांत आणखी उलथापालथी होण्याची शक्यता नाकारता येत नाही. सर्वच राजकीय पक्षांकडून हालचालींना वेग देण्यात आला असून धाराशिव जिल्ह्याचे राजकारण सध्या अत्यंत चुरशीच्या टप्प्यावर पोहोचले आहे. सत्ता कोणाच्या हाती जाणार, याकडे आता सर्वांचे लक्ष लागले आहे.
हे ही वाचा: