दादांच्या निधनाच्या काही तासांतच मंत्रालयात सूत्र फिरली, अधिकारी कामाले लागले, त्या ७५ फाईलींवर सह्या कुणाच्या आदेशाने?

प्रणाली कापसे, प्रतिनिधी, मुंबई : अजित पवार यांच्या निधनाला काही तास उलटत नाही तोच मंत्रालयातील अधिकाऱ्यांनी अल्पसंख्याक विभागाच्या संबंधित नस्तींवर (फाईल) वायूवेगाने स्वाक्षरी केल्याने राज्यात आश्चर्य व्यक्त केले जात आहे. विशेष म्हणजे या सर्व नस्ती सरकारच्या विचाराधीन होत्या. यावर मंत्री अजित पवार आणि माणिकराव कोकाटे यांनी कोणताही निर्णय घेतला नव्हता. अशावेळी दादांच्या निधनानंतर काही तासांतच सात फाईलींवर स्वाक्षरी करून संबंधितांना दिलासा देण्याचे काम वरिष्ठ अधिकाऱ्यांनी केले. यासंबंधीचे आदेश देणारे वरिष्ठ नक्की कोण? कुणाच्या सूचनांनी मंत्रालयातील सूत्रे हलली? असे प्रश्न उपस्थित होत आहे.