फलटण उपजिल्हा रुग्णालयातील डॉक्टर युवतीच्या आत्महत्या प्रकरणी रणजीतसिंह नाईक निंबाळकर यांच्यावर विविध आरोप झाले. त्यांच्या दोन स्वीय सहाय्यकांनी आपल्यावर दबाव टाकले होते, असे डॉक्टर तरुणीने एका तक्रार पत्रात म्हटले होते. आपल्यावर तंदुरुस्ती प्रमाणपत्रे बदलण्यासाठी दबाव असल्याचे डॉक्टर तरुणीने सांगितले होते. हाच धागा पकडून विरोधकांनी रणजीतसिंह नाईक निंबाळकर यांना लक्ष्य केले होते. याच पार्श्वभूमीवर विरोधकांनी रणजीतसिंह यांना चौकशीच्या कक्षेत घेण्याची मागणी केली होती. गेल्या १० दिवसांपासून शांत असलेल्या रणजीतसिंह निंबाळकर यांनी
advertisement
अखेर आपल्यावरील आरोपांचे खंडन करण्यासाठी फलटणच्या चौकात जाहीर पत्रकार परिषद घेतली.
अंधारे-फडणवीसांची जाहीर माफी पण रामराजेंना इशारा
आपली भगिनी सुषमाताई आज फलटणला आल्या होत्या. लोकशाहीत प्रश्न विचारण्याचा प्रत्येकाला अधिकार आहे. त्यांच्याबद्दल कुणी काही चुकीचे बोलले असतील तर त्यांची क्षमा मागतो. फलटणमध्ये बदलाव आणायचा आहे, बदला घ्यायचा नाही. देवेंद्र फडणवीस यांच्यासोबत ६ वर्षांचा सहवास आहे. मी कधीच मला काही पाहिजे म्हणून फडणवीस यांना भेटत नाही. माझ्यामुळे त्यांनाही नावे ठेवली, त्यांना काही सहन करावे लागले असेल तर त्यांचीही माफी मागतो, असे रणजीतसिंह नाईक निंबाळकर म्हणाले.
आज माफ करतो रण उद्या सोडणार नाही
माझ्यावर आरोप करणारे मेहबूब शेख, सुषमा अंधारे आणि इतरही लोकांना रामराजे नाईक निंबाळकर यांनीच माहिती पुरवली, असा आरोप रणजीतसिंह नाईक निंबाळकर यांनी केला. माझ्यावर आरोप करणाऱ्यांना मी आज माफ करतोय, मात्र उद्यापासून आरोप केले तर सोडणार नाही, असा इशाराही त्यांनी दिला.