TRENDING:
घटनेत मृत व्यक्तीचे नाव सिकंदर मुलका शेख असे आहे तर आरोपी जावयाचे नाव सादिक सैफन दफेदार असे आहे. याप्रकरणी वळसंग पोलीस ठाण्यात गुन्हा दाखल करण्याची प्रक्रिया सुरू आहे. मयत सिकंदर शेख यांचा मुलगा आणि मुलगी पोलीस खात्यात कार्यरत असल्याची प्राथमिक माहिती मिळाली आहे. या घटनेमुळे परिसरात एकच खळबळ उडाली आहे.
advertisement
सासऱ्याचा खून, जावयाने स्वत:वरही वार करून घेतले
सादिक दफेदार याने शेतात सिकंदर शेख यांच्यावर धारदार चाकूने वार करून त्यांचा खून केला. त्यानंतर आरोपीने स्वतःवरही वार करून घेतल्याची माहिती समोर आली आहे. जखमी अवस्थेत त्याला उपचारासाठी सोलापूर येथील शासकीय रुग्णालय येथे दाखल करण्यात आले असून त्याच्यावर उपचार सुरू आहेत.
खून कोणत्या कारणातून झाला? पोलीस तपास सुरू
घटनेची माहिती मिळताच वळसंग पोलीस ठाण्याचे वरिष्ठ अधिकारी तात्काळ घटनास्थळी दाखल झाले. सध्या पंचनामा सुरू असून, नेमका खून कोणत्या कारणातून झाला याचा तपास पोलीस करत आहेत.
अधोरेखित करण्यासारखी बाब म्हणजे मृत सिकंदर शेख यांची दोन्ही मुले पोलीस खात्यात आहे. त्यांना या घटनेची माहिती देण्यात आली आहे. घटना कळल्याबरोबर दोन्ही मुलं मूळ गावी तातडीने निघाले आहेत.