TRENDING:
श्री छत्रपती शिवाजी महाराजांच्या 395 व्या जयंतीनिमित्त शिवजन्मोत्सव मध्यवर्ती मित्र मंडळ आणि सुभाष गुरुजी पवार यांच्या संयुक्त विद्यमाने हा उपक्रम राबविण्यात आला. या प्रतिमेसाठी सुमारे 35 हजार मीटर दोरा वापरण्यात आला आहे. विशेष म्हणजे, केवळ दोऱ्याच्या सहाय्याने महाराजांचा चेहऱ्यावरील भाव, दाढी, शिरपेच आणि डोळ्यांतील तेज अत्यंत बारकाईने साकारण्यात आले आहे.
advertisement
विपुल मिरजकर यांना ही कलाकृती पूर्ण करण्यासाठी जवळपास 8 ते 10 दिवसांचा कालावधी लागला. त्यांना पाच सहकाऱ्यांची साथ लाभली. लोकल 18 शी बोलताना त्यांनी सांगितले की, पारंपरिक चित्रकलेपेक्षा वेगळा प्रयोग करण्याचा उद्देश होता आणि शिवप्रेमींसाठी ही कलाकृती अर्पण करण्यात आली आहे.
दरम्यान, मागील वर्षीही त्यांनी 21 हजार शर्टाच्या बटनांपासून महाराजांची प्रतिमा तयार केली होती. त्या कलाकृतीची वर्ल्ड रेकॉर्डमध्ये नोंद झाली होती. यंदाच्या या 22 फुटी दोऱ्याच्या प्रतिमेचीही वर्ल्ड रेकॉर्डमध्ये नोंद व्हावी, अशी आशा त्यांनी व्यक्त केली आहे. शहरात या अनोख्या कलाकृतीचे सर्वत्र कौतुक होत आहे.