Solapur News: घरात नको ‘त्या’ अवस्थेत दिसला मुलगा, तृतीयपंथीयाचं राक्षसी कृत्य, अशी घडवली अद्दल!

सोलापुरात एप्रिल 2020 मध्ये काळजाचा थरकाप उडवणारी घटना घडली होती. पीडित मुलगा घराबाहेर शौचालयाला गेला होता, मात्र बराच वेळ झाला तरी तो परतला नाही. काळजीत पडलेल्या आईने शोधाशोध सुरू केली असता, धक्कादायक दृश्य समोर आले. शेजारीच राहणाऱ्या दिनेश डफळे याच्या घरात मुलगा विचित्र अवस्थेत आढळला.

आईने विश्वासात घेऊन विचारले असता, मुलाने रडत आपला छळ मांडला. आरोपीने पीडित मुलाला ओढत घरात नेले, दोन्ही दरवाजे लावून घेतले आणि माझ्यावर अत्याचार केला. इतकेच नव्हे तर, कोणाला सांगितल्यास आई आणि भावाला जीवे मारण्याची धमकी देऊन आरोपीने मुलाची वाचा बंद करण्याचा प्रयत्न केला होता.

मंद्रूप पोलीस ठाण्यात गुन्हा दाखल झाल्यानंतर पोलीस निरीक्षक गणेश पिंगुवाले यांनी तपास करून ठोस पुरावे गोळा केले. न्यायालयात सरकारी वकील कविता बागल यांनी प्रभावी युक्तिवाद केला. पीडित मुलगा, त्याची आई, डॉक्टर आणि प्रत्यक्षदर्शींच्या साक्षी या खटल्यात मैलाचा दगड ठरल्या.

उपविभागीय पोलीस अधिकारी संकेत देवळेकर आणि मंद्रुपचे प्रभारी अधिकारी शंकर पटवारी यांच्या मार्गदर्शनाखाली कोर्ट पैरवी अधिकारी पीएसआय विजयकुमार जाधव आणि कॉन्स्टेबल पूजा काळे यांनी महत्त्वाची भूमिका बजावली. न्यायाधीशांनी सर्व बाजू आणि पुरावे ग्राह्य धरून आरोपीला 20 वर्षांच्या तुरुंगवासाची शिक्षा सुनावली. गुन्हेगाराला कायद्याचा धाक असणे आवश्यक आहे. हाच संदेश या निकालातून पुन्हा एकदा स्पष्ट झाला आहे.