TRENDING:
मिळालेल्या माहितीनुसार, इमामउद्दीन हा मूळचा तेलंगणाचा तर अमान हा सातारा जिल्ह्यातील होता. शिक्षण व कामानिमित्त दोघेही सोलापुरातील रंगराज नगर येथे वास्तव्यास होते. दोघांमध्ये जिवलग मैत्री होती. शुक्रवारी रोजा इफ्तार केल्यानंतर ते कार (एमएच 13 EK 7609) घेऊन पुणे रोडवरील लांबोटी येथे चहा पिण्यासाठी गेले होते. चहा घेतल्यानंतर थोडा वेळ फिरण्यासाठी ते पुणे-विजापूर बायपास मार्गाने विजापूर रोडच्या दिशेने निघाले.
advertisement
मित्रांनी आरडाओरडा केला, पण बघता बघता चिमुकला यश दिसेनासा झाला, सोलापुरात भयंकर घडलं
भरधाव वेगाने जात असताना त्यांच्या कारने समोरून जाणाऱ्या टेम्पोला पाठीमागून जोरदार धडक दिली. अपघाताची भीषणता एवढी होती की कारच्या पुढील भागाचा चक्काचूर झाला. पुढील सीटवर बसलेले दोघे मित्र गंभीर जखमी झाले. स्थानिकांच्या मदतीने त्यांना तातडीने शासकीय रुग्णालयात दाखल करण्यात आले; परंतु डॉक्टरांनी उपचारापूर्वीच त्यांना मृत घोषित केले.
घटनेची माहिती मिळताच मित्र आणि नातेवाईकांनी शासकीय रुग्णालयात मोठी गर्दी केली होती. अचानक झालेल्या या दुर्दैवी घटनेमुळे परिसरात शोककळा पसरली आहे. या प्रकरणाची नोंद सिव्हिल पोलिस चौकीत या अपघाताची नोंद करण्यात आली असून अधिक तपास पोलीस करत आहे.