Solapur : जिल्हाधिकारी वरिष्ठांना गिफ्ट देणार आहेत, दागिणे घेऊन या; सोलापुरात सराफाची फसवणूक

सोलापूरचे नवीन जिल्हाधिकाऱ्यांना वरिष्ठ अधिकारी भेटायला आले आहेत. त्यांना सोन्याच्या लॉकेट, चैन भेट घ्यायच्या आहेत असं म्हणत मी जिल्हाधिकाऱ्यांच्या वाहनाचा चालक असल्याचे सांगून सराफाला सव्वा सहा तोळ्याला फसवले. विजापूर नाका येथे आयाज मुल्ला यांचे सराफी दुकान आहे. गुरुवारी सराफ दुकानात एक व्यक्ती आला आणि तो म्हणाला मी संदीप वाघमारे, जिल्हाधिकाऱ्यांचा चालक आहे. जिल्हाधिकाऱ्यांना वरिष्ठ अधिकारी भेटायला आले आहेत. त्यांना जिल्हाधिकारी सोन्याच्या अंगठ्या लॉकेट घालणार असल्याची बतावणी व्यक्तीने केली.

advertisement

Crime News : दिरासोबत 4 वर्षांपासून होते वहिनीचे प्रेमसंबंध; अचानक तिसऱ्याची एन्ट्री अन् घडलं भयानक

संबंधित व्यक्तीने सराफ मुल्ला यांना जिल्हाधिकारी कार्यालयात नेले. त्या ठिकाणी वेटिंग रूम मध्ये बसवले. जिल्हाधिकाऱ्यांसोबत मीटिंग चालू असल्याचे सराफ मुल्ला यांना सांगितले. त्यामुळे तुम्ही लॉकेट अंगठी घेऊन या असा निरोप सदर व्यक्तींनी मुल्ला सांगितला. त्यानंतर मुल्ला यांनी आपल्या दुकानात जाऊन अंगठी, लॉकेट घेऊन जिल्हाधिकार्यालयात आले त्या ठिकाणी तोतया व्यक्तीला अंगठी लॉकेट दिली सराफ मुल्ला यांना त्या ठिकाणी थांबण्यास सांगितले मात्र बराच वेळ गेल्यानंतर तो येत नसल्यामुळे त्यांनी चौकशी केली असा कोणताही व्यक्ती नसल्याचे कर्मचाऱ्यांकडून सांगण्यात आले.. सराफ मुल्ला यांना आपली फसवणूक झाल्याचे लक्षात आल्यानंतर त्यांनी विजापूर पोलीस ठाण्यात धाव घेतली...