सुरेश कलमाडी बऱ्याच कालावधीपासून राजकारणापासून दूर आहेत. कुठल्याही कार्यक्रमात आणि समारंभात ते दिसून आलेले नाहीत. गेल्या काही दिवसापासून कलमाडी आजारी असून त्यांच्यावर रुग्णालयात उपचार सुरू आहेत . त्यानंतर आज शरद पवार हे त्यांच्या भेटीसाठी गेले होते. जवळपास 20 मिनिट शरद पवारांनी त्यांच्याशी चर्चा केली.
सबसे बडा खिलाडी, अशी ओळख
सबसे बडा खिलाडी, सुरेशभाई कलमाडी असे काही दशकांपूर्वी पुण्यात म्हटलं जायचं. पुण्यापासून पार्लमेंटपर्यंत कलमाडींचा दरारा होता. पण आज त्याच कलमाडींना ओळखणं सुद्धा अवघड होईल. अशी त्यांची स्थिती आहे. कलमाडी म्हणजे पुण्याचं राजकारण आणि पुण्याचं राजकारण म्हणजे कलमाडी अशी होती. राजकीय वर्तुळात त्यांना 'भाई' म्हणून ओळखले जात होते. त्यांचा दरारा एवढा होती की त्यांच्या शब्दाच्यापलीकडे कोणी नव्हते. १९९५ ते २००७ या काळात कलमाडी काँग्रेसचा चेहरा होते. मात्र राष्ट्रकुल घोटाळाप्रकरणी भ्रष्टाचाराचे आरोप झाल्यानंतर त्यांच्या राजकारणला उतरती कळा लागली.
advertisement
भ्रष्टाचाराचा आरोप महागात पडला
भ्रष्टाचाराचे आरोप झाल्याने कलमाडींना काँग्रेसमधून निलंबित करण्यात आलंय. त्यानंतर त्यांचा दबदबा कमी झाला . भ्रष्टाचाराचे आरोप झाल्यानंतर नऊ महिने ते तिहार जेलमध्ये होते. पुण्यात 2010 मध्ये कॉमनवेल्थ गेम्स झाल्या. या स्पर्धेच्या आयोजन समितीचे ते अध्यक्ष होते. यानिमित्तानं त्यांनी पुण्यात कोट्यवधी रुपये आणले. क्रीडानगरी सुसज्ज करण्याबरोबरच पुण्याच्या काही भागांतील रस्ते, सुशोभीकरण अशी अनेक कामं केली. पण या गेम्समध्ये भ्रष्टाचार झाल्याचा आरोप त्यांना महागात पडला.