मुंबई: जागतिक अर्थव्यवस्थेत अलीकडे दबावाचे संकेत दिसत आहेत. वाढती महागाई, तेलाच्या किंमतीतील चढ-उतार, टेक सेक्टरमधील कर्मचारी कपात आणि अस्थिर बाजारपेठेमुळे मंदीचा धोका वाढत चालला आहे. यावेळी केवळ अर्थतज्ज्ञच नाही, तर प्रसिद्ध भविष्यवेत्त्या बाबा वांगा (Baba Vanga) यांनी देखील 2026 मध्ये संभाव्य ‘कॅश क्रश’ (Cash Crush) म्हणजेच जागतिक आर्थिक संकटाची भविष्यवाणी केली आहे. ज्यामुळे जागतिक मंदी (Global Recession) येऊ शकते, असे म्हटले जाते.
advertisement
जागतिक अर्थव्यवस्था मोठ्या धक्क्याकडे?
अहवालांनुसार बाबा वांगांची ही भविष्यवाणी डिजिटल आणि भौतिक (Physical) चलन व्यवस्थेच्या पतनाची इशारे देते. ऑनलाईन मंचांवर या भविष्यवाणीने मोठी चर्चा निर्माण केली आहे की जगाची अर्थव्यवस्था एका मोठ्या आर्थिक धक्क्याकडे वाटचाल करत आहे का?
2026 मध्ये अनेक गंभीर घटना संभव
बाबा वांगा यांनी 2026 साली अनेक गंभीर घटनांची शक्यता वर्तवली आहे. त्यांनी जागतिक आर्थिक संकटाचा उल्लेख करताना सांगितले की, बँकिंग प्रणालीत मोठे अडथळे, चलनाचे अवमूल्यन (Currency Devaluation) आणि आर्थिक तरलतेत (Financial Liquidity) घट होण्याची शक्यता आहे.
याशिवाय त्यांनी तिसऱ्या महायुद्धाचा (Third World War) धोका, चीनने तैवानवर नियंत्रण मिळवणे, तसेच रशिया-अमेरिका यांच्यातील तणाव वाढणे या घटनांचीही भविष्यवाणी केली आहे.
कृत्रिम बुद्धिमत्ता आणि परग्रहवासी जीवनाचा उल्लेख
त्यांच्या भविष्यवाण्यांमध्ये कृत्रिम बुद्धिमत्ता (Artificial Intelligence - AI) याचाही समावेश आहे. तसेच नोव्हेंबर 2026 मध्ये प्रथमच पृथ्वीवर परग्रहवासीय जीवनाशी संपर्क येण्याची शक्यता असल्याचे त्यांनी सांगितले आहे. संशोधकांनी या भविष्यवाणीला “आंशिकरीत्या संभव” असे म्हटले आहे.
भविष्यवाणी वादग्रस्त पण इशारा गंभीर
जरी या भविष्यवाण्या अनेकदा वादग्रस्त ठरल्या असल्या, तरी बाबा वांगा यांची 2026 ची चेतावणी जागतिक वित्तीय प्रणालीच्या नाजूक स्थितीकडे आणि भविष्यातील अनिश्चिततेकडे लक्ष वेधते. गुंतवणूकदार आणि सामान्य लोक या इशाऱ्याला गांभीर्याने घेत आहेत आणि याला भविष्यात येऊ शकणाऱ्या आर्थिक संकटांची आठवण करून देणारा संकेत मानत आहेत.