TRENDING:
LPG Booking चा ऑनलाइन स्कॅम सुरू
इंटरनेटवर गॅस सिलेंडर बुकिंग अॅपच्या नावाने हजारो अॅप्स आहेत. अॅप्ससोबतच वेबसाइट लिंक आणि हेल्पलाइन नंबर्स उपलब्ध आहेत. सध्याच्या दिवसात लोक गॅस सिलेंडर बुकिंग करताना जास्त विचार न करता प्रयत्न करत आहेत. याच घाईचा फायदा घेत स्कॅमर्स सर्वसामान्य लोकांची फसवणूक करताय. नुकतेच गॅस सिलेंडर बुकिंगच्या नावाने फसवणूक करण्याची प्रकरण समोर आली आहेत. याविषयीच केंद्र सरकारच्या सायबर सिक्योरिटी एजेंसी I4C ने अलर्ट जारी केलाय. जेणेकरून लोक सावध राहतील.
advertisement
भीती आणि घाईचा फायदा घेताय स्कॅमर्स
भारतीय सायबर क्राइम कोऑर्डिनेशन सेंटरने देशभरात वाढत असलेल्या एलपीजी बुकिंग स्कॅमविषयी अलर्ट जारी केलाय. अधिकारी म्हणतात की, स्कॅमर्स लोकांच्या मनात सिलेंडरच्या कमतरतेची भीती निर्माण करत आहेत. ते सोशल मीडिया, व्हॉट्सअॅप आणि एसएमएसच्या माध्यमातून लोकांना घाई-घाईत पेमेंट करण्यास सांगतात. ते बुकिंगसाठी फेक लिंक देतात आणि घाबरवतात की, जर तुम्ही लवकर पेमेंट केलं नाही तर सिलेंडर मिळवण्याची संधी हुकून जाईल.
कसं केलं जातं सिलेंडर बुकिंग स्कॅम
- तुम्हाला आधी मेसेज पाठवला जातो की, स्टॉक मर्यादित आहे. लगेच बुकिंग करा अन्यथा सिलेंडर मिळणार नाही.
- यासोबतच कमी किंमत किंवा मोठ्या डिस्काउंटचं आमिष दाखवलं जातं.
- मेसेजमध्ये एक लिकं असते, जी गॅस कंपनीच्या खऱ्या वेबसाइटसारखी दिसते.
- अनेकदा स्कॅमर्स तुमच्याकडून अनोळखी अॅप (APK फाइल)डाउनलोड करुन किंवा पेमेंटसाठी क्यूआर कोड स्कॅन करण्यास सांगतात.
- तुम्ही या लिंक्सवर तुमचा माहिती टाकता किंवा ओटीपी शेअर करता, तेव्हा हॅकर्स तुमच्या बँक अकाउंटपर्यंत पोहोचतात.
LPG चा तुटवडा, पण PNG चालू! पाइप लाइनद्वारे येणारा गॅस येतो तरी कुठून? पाहाच
हे संकेत दिसल्यास व्हा अलर्ट
- एखाद्या मेसेजवर तुम्हाला एलपीजीचा तुटवडा असल्याचं सांगितलं जातं आणि बुकिंगसाठी दबाव टाकला जातो.
- तुम्हाला लिंक किंवा अनोळखी वेबसाइटवर जाण्यास सांगितलं जातं.
- तुम्हाला फोनमध्ये एखादं अॅप डाउनलोड करण्यास सांगितलं जातं किंवा पिन मागितला जातो.